ბელარუსში მოქალაქეების უფლებების დაცვის მიმართულებით, სადაც გრძელდება მასობრივი დემონსტრაციები ალექსანდრ პლუკაშენკოს წინააღმდეგ, უარესდება, - ამის შესახებ გაეროს უმაღლესმა კომისარმა მიშელ ბაჩელეტმა განაცხადა.

მან ასევე მოუწოდა ბელარუსის მთავრობას, რომ გაათავისუფლოს აქციებზე უკანონოდ დაკავებული დემონსტრანტები.

„ბელარუსის ხელისუფლებამ სასწრაფოდ უნდა დაასრულოს ადამიანთა უფლებების უხეში დარღვევა. მე მოვუწოდებ ბელარუსის ხელისუფლებას, დაუყოვნებლივ გაათავისუფლეთ ყველა უკონონოდ ან შეგნებულად დაკავებული პირი“, - განაცხადა უმაღლესმა კომისარმა.

გაეროში ბელარუსის წარმომადგენელმა საერთაშორისო უფლებების დარღვევაში დასავლეთი დაადანაშაულა - ასე აფასებენ მინსკში ევროკავშირის მიერ დაკისრებულ სანქციებს ალექსანდრ ლუკაშენკოსა და სხვა ჩინოვნიკების მიმართ.

„ბელარუსში მოსახლეობის დიდი ნაწილი აგრძელებს ჩვეული რიტმით ცხოვრებას, მუშაობს მთავრობა, ასევე ფაბრიკები და ოფისები. არც შიმშილია, არც ომი, არც მუქარა ჩვენი მეზობლების მიმართ“, - განაცხადა გაეროში ბელარუსის ოფიციალურმა წარმომადგენელმა.

შეგახსენებთ, რომ პროტესტი ბელარუსში მას შემდეგ დაიწყო, რაც 9 აგვისტოს საპრეზიდენტო არჩევნების შედეგები გამოქვეყნდა და გამარჯვებულად ალექსანდრ ლუკაშენკო გამოცხადდა, რომელმაც ბელარუსის ცესკო-ს ინფორმაციით, ხმების 80% დააგროვა. მას შემდეგ, ათასობით უკმაყოფილო ბელარუსის მოქალაქემ, დაადანაშაულა ხელისუფლება არჩევნების გაყალბებაში და ისინი, ყოველ კვირას გამოდიან საპროტესტო აქციებზე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ლაიენი: სამხრეთ კავკასია მსოფლიოს ერთ-ერთი უდიდესი გზაჯვარედინია, მისი სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა