იუსტიციის უმაღლეს სკოლასა და აღმოსავლეთ ევროპის უნივერსიტეტს (EEU) შორის ურთიერთთანამშრომლობის მემორანდუმი გაფორმდა.

მემორანდუმის ფარგლებში, იუსტიციის უმაღლესი სკოლა იურიდიული ფაკულტეტის სტუდენტებს (ბაკალავრის მე-4 კურსი; მაგისტრატურა და დოქტორანტურა) სთავაზობს პერიოდულ, უფასო საჯარო ლექციებს, სადაც სწავლა ორიენტირებული იქნება  პრაქტიკულ მეცადინეობებზე. გაიმართება იმიტირებული სასამართლო პროცესები, ხოლო ლექტორები იქნებიან იუსტიციის უმაღლესი სკოლის პედაგოგები-მოქმედი მოსამართლეები.

მიმდინარე ღონისძიების ფარგლებში, აღმოსავლეთ ევროპის უნივერსიტეტის სტუდენტებს ექნებათ საშუალება ასევე გაეცნონ იუსტიციის უმაღლესი სკოლის საქმიანობას, მოინახულონ იმიტირებული სასამართლო პროცესების სხდომათა დარბაზი და სკოლის ბიბლიოთეკა.

იურიდიული პროფესიის სტუდენტთა სამართლებრივი ცნობიერების ზრდისა და მათი პრაქტიკული ცოდნის გაღრმავების მიზნით, იუსტიციის უმაღლესმა სკოლამ საფუძველი ჩაუყარა ინიციატივას, რომლის ფარგლებშიც ურთიერთთანამშრომლობის მემორანდუმები  საქართველოს (როგორც დედაქალაქში ასევე რეგიონებში) 13 წამყვან უნივერსიტეტთან გაფორმდა.

"აღმოსავლეთ ევროპის უნივერსიტეტი არის მე-14 უმაღლესი საგანმანათლებლო დაწესებულება, რომელთანაც იუსტიციის უმაღლესმა სკოლამ გააფორმა ურთიერთთანამშრომლობის მემორანდუმი. მემორანდუმის ფარგლებში, იუსტიციის უმაღლესი სკოლა, იურიდიული ფაკულტეტის სტუდენტებს სთავაზობს უფასო საჯარო ლექციებს სხვადასხვა მათთვის საინტერესო მნიშვნელოვან თემატიკაზე. ლექციებს წაუძღვებიან იუსტიციის უმაღლესი სკოლის მოქმედი პედაგოგები, რომლებიც, ამავდროულად, არიან მოქმედი მოსამართლეები. ამ პროექტის განხორციელებით, ჩვენ ვფიქრობთ, რომ გარკვეულწილად ხელს შევუწყობთ ქვეყანაში იურიდიული განათლების ხარისხის ზრდასა და სტუდენტთა სამართლებრივი ცოდნის დონის კიდევ უფრო გაღრმავებას",-განაცხადა იუსტიციის უმაღლესი სკოლის დირექტორმა ლაშა მაღრაძემ.

ევროპის უნივერსიტეტის რექტორი მოხარულია, რომ იუსტიციის უმაღლეს სკოლასთან გაფორმებული მემორანდუმის ფარგლებში, იურიდიული ფაკულტეტის სტუდენტები სამართლებრივ და პრაქტიკულ ცოდნას გაიღრმავებენ, რაც, საბოლოოდ,  მათ პროფესიონალებად ჩამოყალიბებას შეუწყობს ხელს.

"მემორანდუმი მოიცავს ჩვენი სტუდენტების სტაჟირებას, პრაქტიკული გამოცდილების შეძენას, მომავალში არაერთ საინტერესო და მნიშვნელოვანი ღონისძიებების ერთობლივ ჩატარებას. ჩვენს სტუდენტებს ექნებათ საშუალება, დაესწრონ იუსტიციის უმაღლესი სკოლის მიერ ორგანიზებულ ღონისძიებებს. ასევე ძალიან მნიშვნელოვანია ის, რომ სტუდენტებს ექნებათ საშუალება, უნივერსიტეტის კედლებს გარეთ შეხვდნენ და უშუალო კონტაქტი ჰქონდეთ მოქმედ პრაქტიკოსებთან, რაც პროფესიონალად ჩამოყალიბებაში წაადგებათ. ჩვენ ამაში მათ ძალიან ვუწყობთ ხელს",-აღნიშნა ევროპის უნივერსიტეტის რექტორმა დავით ჩერქეზიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით