2015-09-17 13:31:19, 690 ნახვა
საზოგადოება
თავდაცვის სამინისტრო - კაბალაში მომხდარ ფაქტზე კონკრეტული პირების პასუხისმგებლობის საკითხი დადგება
საქართველოს თავდაცვის სამინისტრო გუშინ ღამით, ლაგოდეხის რაიონის სოფელ კაბალში მომხდარი ფაქტის გამო შეშფოთებულია.
ამის შესახებ უწყების განცხადებაშია აღნიშნული.
მათივე ინფორმაციით, მომხდარის მიზეზებს შესაბამისი უწყებები გამოიძიებენ და კონკრეტული პირების პასუხისმგებლობის საკითხი აუცილებლად დადგება.
„თავდაცვის სამინისტრო დაზარალებულის ოჯახს სრულად აუნაზღაურებს სსსტც “დელტას“ მიერ მიყენებულ ზარალს“,- აცხადებენ უწყებაში.
ცნობისთვის, გუშინ, „დელტას“ მიერ სეტყვასაშიში ღრუბლების აქტიური დამუშავების პროცესში ერთ-ერთი ჭურვი ადგილობრივი მოსახლის სახლს დაეცა. დამწვარია სახლის სახურავი და გაბზარულია კედლები. შემთხვევის შედეგად არავინ დაშავებულა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
