შინაგან საქმეთა სამინისტროში გიორგი შაქარაშვილის საქმეზე დაკავებული არასრულწლოვნის, ზ.ხ.-ის მამის, თამაზ ხომასურიძის გამოკითხვა დასრულდა.

როგორც უწყებიდან გამოსვლის შემდეგ თამაზ ხომასურიძემ ჟურნალისტებს განუცხადა, მისი გამოკითხვაზე დაბარების მიზეზი, ერთ-ერთ სატელევიზიო ეთერში გაკეთებული განცხადებაა, სადაც ის ამბობს, რომ არსებობს დაჯგუფება „თეთრი ისარი“, რომელმაც გიორგი შაქარაშვილის ბიძასთან, მირიან ნიკოლაძესთან დაკავშირებით ინფორმაცია მიაწოდა, რომლის მიხედვითაც, შაქარაშვილის ბიძას ფული აქვს აღებული.

მისივე თქმით, ის ამ ეტაპზე არაფრის თქმას აღარ აპირებს და შეკითხვებს მხოლოდ მოსამართლის თანდასწრებით უპასუხებს.

შეგახსენებთ, რომ დღეს ექსპერტ-კრიმინალისტებმა გარდაცვლილი გიორგი შაქარაშვილის საქმეზე დაკავებული არასრულწლოვნის, ზ.ხ.-ის მამის სახლში ჩხრეკა ჩაატარეს, რომლის შედეგადაც  საცხოვრებელი ბინიდან მისი კუთვნილი მობილური, კომპიუტერი და თავდაცვის სამინისტროს საბუთი წაიღეს. 

ავტორი: ექსპრესნიუსი,

სოციალური ქსელები

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ

გაეროს ადამიანის უფლებათა საბჭოში საქართველოზე კრიტიკული ანგარიში მომზადდა

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით