2020-08-08 11:31:11, 3059 ნახვა
კომენტარი
კახა კალაძე - ოკუპაცია ყველაზე დიდი ბოროტებაა და ამას არასდროს შევეგუებით
ჩვენ დაკარგულ ტერიტორიებს აუცილებლად დავიბრუნებთ, – ამის შესახებ თბილის მერმა კახა კალაძემ მუხათგვერდის ძმათა სასაფლაოზე ყოფნისას განაცხადა.
მისივე თქმით, ოკუპაცია არის ყველაზე დიდი ბოროტება, რასაც საქართველო არასდროს შეეგუება.
„12 წელი გავიდა იმ საშინელი დღეებიდან, ქვეყნისთვის, რომელსაც მოჰყვა უდანაშაულო ადამიანების სიკვდილი, მოჰყვა ნგრევა, ტერიტორიების დაკარგვა, ოუპაცია ეს არის ყველაზე დიდი ბოროტება და ჩვენ არასდროს არ შევეგუებით ამას, ყველაფერი უნდა გავაკეთოთ, უნდა ვებრძოლოთ ოკუპაციას განათლებით, გონიერებით, ეკონომიკური განვითარებთ და წინსვლით. ჩვენ აუცილებლად დავიბრუნებთ ჩვენს დაკარგულ ტერიტორიებს“, - განაცხადა კახა კალაძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
