2015-09-08 13:11:03, 460 ნახვა
პოლიტიკა
ალექსანდრა ჰოლ ჰოლი: იყო საფრთხე, რომ დიპლომატები პოლიტიკურ დებატებში ჩაეთრიათ
საქართველოში დიდი ბრიტანეთის ელჩის, ალექსანდრა ჰოლ ჰოლის განცხადებით, იყო საფრთხე, რომ დიპლომატები პოლიტიკურ დებატებში ჩაეთრიათ და მათ გარკვეული მხარეები დაეჭირათ.
ამის შესახებ მან თბილისში მიმდინარე საერთაშორისო კონფერენციაზე სიტყვით გამოსვლისას განაცხადა.
„საერთო შეფასებით, საქართველო პოზიტიურ გზას ადგას, მაგრამ ეს იმას არ ნიშნავს, რომ ყველაფერი იდელაურადაა. რა თქმა უნდა არის გარკვეული გამოწვევები. იყო ძალიან დიდი საფრთხე იმის, რომ დიპლომატები პოლიტიკურ დებატებში ჩაეთრიათ და მათ გარკვეული მხარეები დაეჭირათ, ეს ძალიან ცუდია. ჩვენ არ შეგვიძლია ყველაფერზე, ყოველდღიურ მოვლენებზე კომენტარის გაკეთება, მაგრამ ეს არ ნიშნავს იმას, რომ არ გვაღელვებს და თვალყურს არ ვადევნებთ რაც ხდება“, - განაცხადა ალექსანდრა ჰოლ ჰოლიმ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
