ნაზი ჯანეზაშვილი - პრეზიდენტის მიერ იუსტიციის არამოსამართლე წევრის ასარჩევად ჩატარებული კონკურსი მინიმალურ სტანდარტებსაც ვერ აკმაყოფილებდა

2020-07-23 14:40:17, 4062 ნახვა

კომენტარი

პრეზიდენტის მიერ იუსტიციის არამოსამართლე წევრის ასარჩევად ჩატარებული კონკურსი მინიმალურ სტანდარტებსაც ვერ აკმაყოფილებდა, - ამის შესახებ იუსტიციის უმაღლესი საბჭოს არამოსამართლე წევრმა ნაზი ჯანეზაშვილმა განაცხადა.

მანვე აღნიშნა, რომ პრეზიდენტის მიერ მიღებული გადაწყვტულება იუსტიციის უმაღლესი საბჭოს არამოსამართლე წევრად თამარ ღვამიჩავას დანიშვნის შესახებ დასაბუღთებას საჭირობს.

„ვწუხვარ, რომ პრეზიდენტის მიერ ჩატარებული კონკურსი ვერ აკმაყოფილებდა გამჭვირვალობის მინიმალურ სტანდარტებსაც კი. დღემდე არ ვიცით, ვინ იყვნენ კანდიდატები და რატომ გააკეთა არჩევანი კონკრეტულად ღვამიჩავაზე საქართველოს პრეზიდენტმა, თუნდაც რა დამსახურების ან გამოცდილების გამო ამჯობინა ის სხვებს, ეს ინფორმაცია მნიშვნელოვანი იქნებოდა. ფაქტია, რომ პრეზიდენტის მიერ გუშინ მიღებულ გადაწყვეტილებას სჭირდება მეტი დასაბუთება“, - განაცხადა ჯანეზაშვილმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან