საფრანგეთში საქართველოს ელჩის ეკატერინე  სირაძე-დელონეს  განცხადებით, საფრთხე, რომ შეიძლება საქართველოს ევროპასთან ასოცირების ხელშეკრულების რატიფიცირებას კენჭი არ ეყაროს, არ არსებობს.

როგორც მან თემის კომენტირებისას ჟურნალისტებს განუცხადა, საფრანგეთი დიდი ქვეყანაა და უბრალოდ  მათი პროცედურული საკითხები დიდ დროს იკავებს.

"გაწელვა არ მომხდარა, უბრალოდ საფრანგეთი ძალიან დიდი ქვეყანაა და ძალიან ბევრი რამ აქვს გასაკეთებელი. შესაბამისად, მათი პროცედურული საკითხები საკმაოდ დიდ დროს იკავებს ხოლმე. ფაქტობრივად, დასრულებულია და დარჩენილია ბოლო ეტაპი, რაც არის სენატში კენჭისყრა და შემდეგ უკვე დასრულდება. ანუ, გავიარეთ ყველა ეტაპი, დასასრულებელია მხოლოდ ერთი და ველოდებით, რომ სექტემბერში იქნება კენჭისყრა და საბოლოო ჯამში დასრულდება. პოლიტიკური გადაწყვეტილება არსებობს ამასთან დაკავშირებით. არანაირი საფრთხე, რომ შეიძლება კენჭი არ ეყაროს საქართველოს ასოცირების ხელშეკრულების რატიფიცირებას არ არის",-განაცხადა ეკატერინე სირაძე-დელონემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი