გიორგი მარგველაშვილი: დღეს თავისუფალი, დამოუკიდებელი და დემოკრატიული სახელმწიფოს თავდაცვისუნარიანობას ვაძლიერებთ

2015-08-27 15:36:23, 536 ნახვა

პოლიტიკა

„დღეს ჩვენ თავისუფალი, დამოუკიდებელი და დემოკრატიული სახელმწიფოს თავდაცვისუნარიანობას ვაძლიერებთ“,-ამის შესახებ საქართველოს პრეზიდენტმა გიორგი მარგველაშვილმა კრწანისის“ ტერიტორიაზე ნატო-საქართველოს ერთობლივი წვრთნისა და შეფასების ცენტრის გახსნის ცერემონიალზე სიტყვით გამოსვლისას განაცხადა.

პრეზიდენტმა ჯარისკაცებს მიმართა და აღნიშნა, რომ ნატო-საქართველოს ერთობლივი სასწავლო ცენტრის გახსნა კიდევ უფრო დახვეწს მათ უნარებს.
„დღეს თქვეთან ერთად ამაყად დგანან ის გმირები, რომლებიც ბრძოლის ველზე დაეცნენ. საუკუნე დიდება და ხსოვნა მათ სახელებს. დღეს თქვენთან ერთად ამაყად დგანან ჩვენი ქვეყნის ის მომავალი ჯარისკაცები, ვინც ჩვენს ოჯახებში იზრდება. დღეს ჩვენ ამაყად ვდგავართ საქართველოს მიწაზე, რადგან ვაძლიერებთ ჩვენს თავდაცვისუნარიანობას. ჩვენ ვაძლიერებთ იმ ღირებულებების დაცვას, რისთვისაც ყოველთვის ვიბრძოდით.ჩვენ ვაძლიერებთ თავისუფალი, დამოუკიდებელი, დემოკრატიული სახელმწიფოს თავდაცვისუნარიანობას. ჩვენ ვიცავთ ამ ღირებულებებს ჩვენს მიწა-წყალზე და ჩვენს ვიცავთ ადამიანის უფლებებს და თავისუფლებებს გლობალური მასშტაბით. ჩვენი ახალი სასწავლო ცენტრი კიდევ უფრო დახვეწს თქვენს უნარებს. ამ უნარებს თქვენ გამოიყენებთ მხოლოდ ერთისთვის, რომ დავიცავთ თავისუფლება და ის ღირებულებები რის ირგვლივაც ჩვენ ვართ გაერთიანებული. დიდი სიამაყით ვდგებართ აქ იმიტომ რომ ამაზე მეტი სიამაყე არ შეიძლება ჰქონდეს ქართველ კაცს, ვიდრე იარაღით ხელში იაცვდეს თავისი საზოგადოების მშვიდ ძილს. კიდევ ერთხელ მადლობას გიხდით ამისთვის, კიდევ ერთხელ ვუსურვებ დიდ წარმატებას ამ ერთობლივ ცენტრს. ღმერთი ფარავდეს საქართველოს“,-განაცხადა მარგველაშვილმა.
პრეზიდენტმა მადლობა გადაუხადა ნატო-სგენერალურ მდივანს, საქართველოს პარლამენტსა და მთავრობას „ამ დღის ეფექტური მიღწევისთვის“.
ამასთან, გიორგი მარგველაშვილმა ჯარისკაცებს განსაკუთრებული მადლობა გადაუხადა და აღნიშნა, რომ მათ თავიანთი სისხლის და ოფლის ფასად მოიტანეს ეს დღე.
„ყველაზე დიდი მადლობა მინდა გითხრათ თქვენ საქართველოს ჯარისკაცებო! თქვენ თქვენი სისხლის და ოფლის ფასად მოიტანეთ ეს დღე. დღეს თქვენთან ერთად ამაყად დგანან ის გმირები, რომლებიც დაეცნენ ბრძოლის ველზე. საუკუნე დიდებე და ხსოვნა მათ სახელებს“,-განაცხადა გიორგი მარგველაშვილმა.