"პოპულისტურია ოპოზიციის წარმომადგენელთა განცხადებები, თითქოს სახელმწიფოს ახალი აკრძალვები შემოაქვს. მისი თქმით, ეს არის ტყუილი, ვინაიდან ეს აკრძალვები მოქმედებს დღეის მდგომარეობით, ახლა არ შემოგვაქვს" -ამის შესახებ,  პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა განაცხადა

მისი თქმით, აკრძალვები მოქმედებს და განსაზღვრულია ჯარიმა ფიზიკური პირისთვის 2000 ლარი იზოლაციის წესების ან კარანტინის დარღვევისთვის, იურიდიული პირისთვის 10 000 ლარი, ადმინისტრაციულ  სამართალდარღვევათა კოდექსში მოქმედებს ნორმა, რომელიც დღეს ასევე პირბადის არ ტარებისთ ვის ითვალისწინებს 2000 ლარიან ჯარიმას.

„ეს ნორმები მივიღეთ საგანგებო მდგომარეობის პირობებში, არ ვიცოდით როგორი გამოწვევის წინაშე დავდგებოდით და მაშინ საჭირო იყო მაქსიმალური სანქცია იმისთვის, რომ პრევენცია მოგვეხდინა.  მას შემდეგ, რაც ახალ ეტაპზე გადავედით და სახელმწიფომ მოხსნა მთელი რიგი შეზღუდვები იმისთვის, რომ ხელი შევუწყოთ ეკონომიკის განვითარებას, უფლებრივი შეზღუდვები იყოს მაქსიმალურად ნაკლები, ამ გამოწვევის და ამ სტადიიდან გამომდინარე საჭიროა ადაპტირება. ამიტომ გადავწყვიტეთ, რომ ცალკე დავარეგულიროთ პირბადეების საკითხი, ცალკე დავარეგულიროთ ტრანსპორტით გადაადგილების დროს პირბადის ტარების საკითხი, ცალკე იყოს სავაჭრო, დახურულ საჯარო სივრცეში თავშეყრის დროს პირბადის ტარების საკითხი", - განაცხადა ანრი ოხანაშვილმა.

შეგახსენებთ, რომ პარლამენტის დღევანდელ სხდომაზე პარლამენტის დღევანდელ სხდომაზე „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ" კანონპროექტის წარდგენეს.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს