ჯანდაცვის მინისტრ ეკატერინე ტიკარაძესა და ჯანმოს ევროპის რეგიონული ოფისის დირექტორ ჰანს კლუგეს შორის ონლაინ შეხვედრა გაიმართა.

ჰანს კლუგემ დადებითად შეაფასა საქართველოს მიერ გატარებული კორონავირუსის საპასუხო ღონისძიებები და გამოყო ის პრიორიტეტული მიმართულებები, რომელთა გაძლიერებაში ჯანმო მზადაა დაეხმაროს საქართვლოს. მათ შორისაა არაგადამდები დაავადებებისა და კიბოს მართვა, უნივერსალური ხელმისაწვდომობის პროგრამის, პირველადი ჯანდაცვის გაძლიერების და ჰოსპიტლების დაფინანსების მოდელის სრულყოფის კუთხით დახმარება.

ქართულმა მხარემ ჯანმოს ეპიდემიის პროცესში გაწეული დახმარებისთვის მადლობა გადაუხადა და დაგეგმილ ღონისძიებებთან დაკავშირებით ინფორმაცია მიაწოდა. ქვეყანაში მიმდინარეობს მომდევნო ეტაპისთვის მზადება, მუშავდება რეაგირების გეგმა, რომელიც ითვალისწინებს პირველადი ჯანდაცვის მეტად ჩართვას კოვიდის ამბულატორიული დიაგნოსტიკის პროცესში, ჰოსპიტალური ქსელის მობილიზაციის გაუმჯობესებას, ხელმისაწვდომობას ტესტირების სერვისებზე, საზოგადოებრივი ჯანდაცვის შესაძლებლობების გაძლიერება ეპიდემოლოგების კადრის გადამზადების და მეტი რესურსის მობილიზების გზით.

„ეს ზაფხული გამარჯვებაზე ზეიმისთვის კი არა, არამედ მეორე ტალღის საპასუხო ღონისძიებების მზადებისთვის უნდა გამოვიყენოთ“, - აღნიშნა ჯანმოს ევროპის რეგიონული ოფისის დირექტორმა.

ონლაინ კონსულტაციაში მონაწილეობას ჯანდაცვის მინისტრის პირველი მონაწილე, თამარ გაბუნიაც იღებდა. შეხვედრას მოდერატორობას ჯანმოს საქართველოს ოფისის ხელმძღვანელი სილვიო დომენტე  უწევდა. ყურადღება გამახვილდა ჯანმოს ადგილობრივი ოფისის ჩართულობაზე ინფექციის კონტროლისა და პირადი დაცვის საშუალებების მობილიზების პროცესებში. ასევე აფხაზეთის ოკუპირებულ ტერიტორიაზე საქართველოს მოქალაქეებისთვის კოვიდის სერვისებზე ხელმისაწვდომობის გაუმჯობესების კუთხით ჯანმოს საქართველოს ოფისის მიერ გაწეულ სამუშაოებზე.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს