„ნაციონალური მოძრაობა“ რომ გიწვევთ მაშინ მოდიხართ, ხვალ ჩვენ რომ მოგიწვიოთ არ მოხვალთ, კარგია, ასე გააგრძელეთ“, - ამის შესახებ „პატრიოტთა ალიანსის“ ლიდერმა, ირმა ინაშვილმა პარლამენტში განაცხადა.

მისი თქმით, დღეს პარლამენტში პრემიერის მისვლა საჭირო არ იყო.

„მინდა ყველას მოვუწოდო მეტი სერიოზულობისკენ. კარგია, რომ იუმორის ხასიათზე ხართ. იუმორიც საჭიროა ზოგჯერ, მაგრამ არა ამ ვითარებაში. საერთოდ მე მოგიწოდებთ უმრავლესობის და ხელისუფლების წარმომადგენლებს მეტი პატივისცემა გამოვიჩინოთ ერთმანეთისადმი. ბოლო დროს ტერმინოლოგია, რომლითაც მოიხსენიებთ ოპოზიციას, შეცვალოთ. ხან ცირკად მოიხსენიებთ საპარლამენტო დებატებს, ხან პოლიტიკურ მასკარადად, პოლიტიკური კლასის დაყოფა გადაწყვიტეთ გოიმებად და არაგოიმებად. მგონია, რომ ყველაზე დიდი გოიმობა ასეთი აზროვნება და საერთოდ, ასეთი მიდგომა არის.

დღეს გრძელდება პოლიტიკური სპექტაკლი. მე ვფიქრობ, საერთოდ არ იყო დღეს პრემიერის მოსვლა პარლამენტში საჭირო. ამომწურავად ისაუბრა. პარლამენტს შეეძლოს ეს საკითხები გაგვეთვალისწინებინა ამ თემატური სხდომის შეკითხვებით და დამთავრებულიყო. ხვალ ჩვენ მოგვიწვევთ და კიდე უნდა მოვიდეთ ხვალაც? ჩვენ რომ მოგიწვიოთ არ მოხვალთ. „ნაციონალური მოძრაობა“ რომ გიწვევთ მაშინ უნდა მოხვიდეთ. კარგია ასე გააგრძელეთ“, - განაცხადა ირმა ინაშვილმა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს