მრჩება შთაბეჭდილება, რომ საერთაშორისო პარტნიორების თარგმნის ექსკლუზიური უფლება მოიპოვეთ, - ასე უპასუხა პრემიერ-მინისტრმა გახარიამ პარლამენტში ფრაქცია „ნაციონალური მოძრაობის: თავმჯდომარის მოადგილის, სალომე სამადაშვილის შეკითხვას.

როგორც მან აღნიშნა, სტრატეგიული პარტნიორები პირველ რიგში საქართველოს მეგობრები არიან და არა „ნაციონალური მოძრაობის“.

„ქალბატონო სალომე, მე ისეთი შთაბეჭდილება მრჩება, რომ თქვენ, ამ ბოლო დროს, მოიპოვეთ ექსკლუზიური უფლება ჩვენი საერთაშორისო პარტნიორების თარგმნის. სამწუხაროდ თუ საბედნიეროდ, ასეთი ექსკლუზიური უფლება თქვენ არა გაქვთ. ჩვენ და პირადად მეც, უფრო მჭიდრო ურთიერთობა მაქვს მათთან. იმ ყველაფერთან ერთად, გვარებს რომ ჩამოთვლით ხოლმე, თუ ობიექტურად შევაფასებთ ყველაფერს დარწმუნებული ვარ, რომ თქვენ ჩემზე უკეთესად იცით, რომ ეს ადამიანები პირველ რიგში, საქართველოს მეგობრები არიან და არა „ნაციონალური მოძრაობის“. შესაბამისად, სწორედ ეს ადამიანები იქნებიან ისინი, რომლებიც აქამდე ობიექტურად აფასებდნენ და მომავალშიც ობიექტურად შეაფასებენ კონკრეტულად 8 მარტის შეთანხმებასაც. სულ მალე მოვა საკონსტიტუციო ცვლილებების დრო და იქაც ვნახავთ და აშკარად გამოჩნდება, ვინ როგორ პოზიციას დაიჭერს“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

თბილისში კაცი დაჭრეს

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა