2020-05-13 16:56:58, 2602 ნახვა
მსოფლიო
ბორის ჯონსონი - ქვეყნებში, სადაც შეზღუდვები შემსუბუქდა, ინფიცირებულთა რაოდენობა გაიზარდა, ეს გაფრთხილებაა, რომ არ გავრისკოთ
ბრიტანეთის პრემიერ-მინისტრის ბორის ჯონსონის განცხადებით, ქვეყნებში, სადაც კორონავირუსის გამო დაწესებული ზომები შემსუბუქდა, დადასტურებლ შემთხვევათა რაოდენობამ იმატა.
მისივე თქმით, აღნიშნული მკაფიო გაფრთხილებაა იმისათვის, რომ ბრიტანეთმა არ იჩქაროს და არგარისკოს.
„ჩვენ ყურადღებით ვაკვირდებით, თუ რა ხდება სხვა ქვეყნებში. აღსანიშნავია, რომ რამდენიმე ქვეყანაში, სადაც კორონავირუსის გამო დაწესებული ზომები შემსუბუქდა, დადასტურებულ შემთხვევათა რაოდენობამ იმატა და ეს ძალიან მკვეთრი გაფრთხილებაა ჩვენთვის, რათა არ ვიჩქაროთ და არ გავრისკოთ“, - განაცხადა ბორის ჯონსონმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
