2020-04-30 15:09:34, 1675 ნახვა

---

ცერცვაძე - ენტონი ფაუჩიმ დადო საკმაოდ თამამი განცხადება, რომ რენდესივირი ეფექტურია კოვიდ19-ის დროს და შესაძლოა ეს იყოს გზა გადარჩენისკენ

ენტონი ფაუჩიმ დადო საკმაოდ თამამი განცხადება, რომ რენდესევირი ეფექტურია ამ დაავადების დროს და შესაძლოა ეს იყოს გზა გადარჩენისკენ, - ამის შესახებ თბილისის ინფექციური საავადმყოფოს დირექტორმა თენგიზ ცერცვაძემ განაცხადა.

მისი თქმით, ყველა არ ეთანხმება იმ აზრს რომ ეს პრეპარატი კორონავირუსი დამარცხების საშუალებაა, მაგრამ ჭარბობს აზრი, რომ ის ეფექტურია.

„რენდესივირი, როგორც კი გაჩნდა ეს ეპიდემია და არ არსებობდა პირდაპირი მოქმედების ანტივირუსული მედიკამენტი, მაშინვე დაიწყეს 15 მედიკამენტის კვლევა, რომელი გაამართლებდა ამ კორონავირუსის წინააღმდეგ და რენდესივირი პირდაპირ მოიაზრებოდა ფავორიტად ამ ჯგუფში.

ეს მედიკამენტი ებოლას სამკურნალოდ შეიქმნა, ებოლაზე არ იმოქმედა და თვლიდნენ, რომ იქნებოდა ეფექტური ამ კორონავირუსის დროს. ამ პრეპარატზე ამყარებდნენ დიდ იმედს.

შემდეგ ეს იმედები არ გამართლდა, იყო კვლევის შედეგები, რომელმაც უჩვენა, რომ რენდესევირი არც ისე ეფექტურია, როგორც აქამდე ეგონათ. ახლა ისევ შეიცვალა სიტუაცია და იცით, რომ ენტონი ფაუჩიმ, რომელიც ჩვენი დიდი ხნის მეგობარია, დადო საკმაოდ თამამი განცხადება, რომ რენდესივირი ეფექტურია ამ დაავადების დროს და შესაძლოა ეს იყოს გზა გადარჩენისკენ. ახლაც ყველა არ ეთანხმება, მაგრამ ჭარბობს აზრი, რომ ის ეფექტურია“, - განაცხადა თენგიზ ცერცვაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი