შუახევში, კორონავირუსის პრევენციის მიზნით რისკ ჯგუფში შემავალ მოქალაქეებს, შეზღუდული შესაძლებლობის მქონე პირებს, მარტოხელებს, სარეცელს მიჯაჭვულებსა და მრავალშვილან ოჯახებს სასურსათო პროდუქტები გადაეცემა.

დღეს, შუახევის მერი ფრიდონ ფუტკარაძე, საქართველოს პარალამენტის წევრთან ანზორ ბოლქვაძესთან ერთად ჭვანის ადმინისტრაციულ ერთეულის სოფლებში ასრებულ ვითარებას გაეცნო და საინფორმაციო შეხვედრები გამართა.ადგილობრივებს რეკომენდაციების დაცვისკენ მოუწოდა და საჭიროებისამებრ თანადგომა და დახმარება აღუთქვა. მერმა, აქციის ფარგლებში, თანმხლებ პირებთან ერთად სოფელ წყაროთაში რეზო ჯოიძის მრავალშვილიან, სოციალურად დაუცველ ოჯახს სასურსათო კალათა მიუტანა.

,, ქვეყანაში შექმნილი მდგომარეობიდან გამომდინარე, ჩვენს მოსახლეობას ყველაზე მეტად ახლა სჭირდება თანადგომა და დახმარება. დავიწყეთ სოციალური აქცია, რომლის ფარგლებშიც დავეხმარებით რისკ ჯგუფში შემავალ მოქალაქეებს. მთავრია მოსახლეობამ გაითვალისწინოს საქართველოს ჯანდაცვის ორგანიზაციის რეკომენდაციები და დარჩნენ სახლში. დარწმუნებულნი ვარ ამ გამოწვევას გავუმკლავდებით და ერთად დგომით დავამარცხებთ კორონავირუს“- განაცხადა ფრიდონ ფუტკარაძემ.

დღესვე, შუახევის საკრებულოს თავმჯდომარე გიორგი დავითაძე, საკრებულოს წევრთან ზაზა დავითაძესთან ერთად ზამლეთის ადმინისტრაცილ ერთეულში იმყოფებოდა. სოციალური აქციის ფარგლებში სასურსათო პროდუქტი მიუტანა სოფელ ფურტიოში მცხოვრებ ჟუჟუნა ბერიძის უმწეო ოჯახს. საკვები პროდუქტების მიწოდება რისკ ჯგუფში შემავალ მოქალაქეებზე შესაბამისი რეკომენდაციების დაცვით ეტაპობრივად განხორციელდა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს