2020-03-22 11:20:56, 8292 ნახვა
ომი უკრაინაში
კორონავირუსით ინფიცირებული ხუთი ახალი პაციენტიდან ერთი ბავშვია
თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული ხუთი ახალი პაციენტიდან ერთი ბავშვია.
"ერთი პაციენტი არის ახალი წყაროდან, ევროპიდან არის შემოტანილი. მეორე შემთხვევა ჩვენთან მყოფი პაციენტების ერთერთი ჯგუფის კონტაქტია და არის ბავშვი. მისი ზოგადი მდგომარეობა ჯერჯერობით მძიმე არ არის და იმედი გვაქვს, რომ არ იქნება. ანუ მეხუთე ბავშვი გვყავს უკვე ჩვენ ცენტრში"- ამბობს ეზუგბაია და აღნიშნავს რომ ყველა მათგანის მდგომარეობა ჯერჯერობით მართვას ექვემდებარება.
ბოლო მონაცემებით, საქართველოში კორონავირუსით ინფიცირებულთა რაოდენობა 54-მდე გაიზარდა. გამოჯანმრთელდა 3 ადამიანი.
ავტორი: ექსპრესნიუსი,
epn.ge (@expressnews.ge)
