„ევექსის“ ქსელის დირექტორის, გიორგი მინდიაშვილის განცხადებით, საავადმყოფო მზადაა ქვეყნის მასშტაბით, საჭიროების შემთხვევაში,  ინფიცირებული პაციენტებისთვის 300-დან 400 საწყობამდე გამოყოს.

მისი თქმით, „ევექსის“ კლინიკა დღევანდელ გამოწვევასთან სრულ მზადყოფნაშია.

„მინდა დიდი მადლობა გადავუხადო ყველა ექიმს, ექთანს, სანიტარს და ყველა მედპერსონალს, ვინც ახლა დგას და მუშაობს იმ ადგილას, სადაც მუშაობა დღეს ყველაზე მნიშვნელოვანი და კრიტიკულია.

რაც შეეხება დღევანდელ შეხვედრას, ვთცლი, რომ ძალიან მნიშვნელოვანია ასეთ დროს ასეთი გამოწვევები სახელმწიფომ და კერძო სექტორებმა მაქსიმალურად კოორდინირებულად დაამარცხოს. ეს არის რეალურად გასაღები ამ წარმატების და დღევანდელი შეხვედრაც ეძღვნებოდა სწორედ იმას, რომ მაქსიმალურად კოორდინირებულად იმუშავოს სახელმწიფო ინსტიტუტებმა და ასევე, კერძო სექტორმა, რათა ერთად გავუმკლავდეთ დღევანდელ გამოწვევას ქვეყანა.

„ევექსის“ საავადმყოფო სრულ მზადყოფნაშია იმ მოცემულობებთან , რომლის წინაშეც დგას ქვეყანა. მიმდინარეობს ინტენსიური გადამზადებები და ტრენინგები, რათა ყველა ჰოსპიტალში თუ მოხვდა ასეთი პაციენტი, იმართოს ძალიან სწორად, რადგან ძალიან მნიშვნელოვანია პირველ ეტაპზე ტრიაჟი და პაციენტის სწორი მართვა. ამაზე აქცენტი ყველა საავადმყოფოშია გაკეთებული. მიმდინარეობს უწყვეტი ტრენინგები. რაც შეეხება დამატებითი მოცულობების გამოყოფას, ჩვენ წინა კვირასაც გავაკეთეთ განცხადება ამასთან დაკავშირებით და მზად ვართ პირველ ეტაპზე საჭიროების შემთხვევაში 300-დან 400 საწყობამდე გამოვყოთ ქვეყნის მასშტაბით, რომელიც მოემსახურება უშუალოდ ამ ვირუსით ინფიცირებულ პაციენტებს“, - განაცხადა გიორგი მინდიაშვილმა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს