2020-03-16 13:42:08, 2505 ნახვა
ომი უკრაინაში
მთავრობა კაფეებსა და რესტორნებს რეკომენდაციით მიმართავს, შეზღუდონ უშუალო მომსახურება
პრემიერ-მინისტრის მრჩეველი, ირაკლი ჩიქოვანი აცხადებს, რომ კაფეებს, რესტორნებსა და ბარებს ეძლევათ რეკომენდაცია, დროებით შეიზღუდოს მოქალაქეების უშუალო მომსახურება და იმოქმედოს მხოლოდ ე.წ გატანის სერვისმა.
აღნიშნული გადაწყვეტილება, კორონავირუსთან დაკავშირებით შექმნილი უწყებათაშორისო საბჭოს სხდომაზე მიიღეს.
"საკოორდინაციო საბჭოზე მიღებული იქნა გადაწყვეტილება, რომ რეკომენდაცია მიეცეს კაფეებს, რესტორნებსა და ბარებს, რომ შეზღუდონ მათი მომსახურეობის ის ნაწილი, რომელიც დაკავშირებულია მოქალაქეების მომსახურებასთან. მათ ექნებათ საშუალება, გააგრძელონ ოპერირება და ფუნქციონირება ე.წ. გატანის სერვისებისთვის, თუმცა ჩვენი რეკომენდაციაა, რომ მაქსიმალურად შეიზღუდოს თავშეყრის ადგილები და კონტაქტი ჩვენს თანამოქალაქეებთან", - განაცხადა ჩიქოვანმა.
ავტორი: ექსპრესნიუსი,
epn.ge (@expressnews.ge)
