თბილისის ინფექციურ საავადმყოფოში კორონავირუსის დიაგნოზით მოთავსებული 22 პაციენტიდან, 7თან არის დადასტურებული პნევმონია, - ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა.

როგორც ეზუგბაიამ ჟურნალისტებთან საუბრისას აღნიშნა, აქედან ერთ-ერთი პაციენტის მდგომარეობა მძიმეა.

„მაგრამ გარკვეულწილად რამდენიმე დღეა, სტაბილურია მისი მდგომარეობა და დაავადება არ პროგრესირებს. შეიძლება ითქვას, რომ თუ პროგრესირება შეჩერდა და სტაბილურია, მდგომარეობა საშუალოზე მძიმეა და არა როგორც მძიმე, მაგრამ ჩვენ კიდევ ერთხელ ვამბობთ, რომ მიუხედავად მკურნალობისა, პაციენტების დაავადება შეიძლება, პროგრესირდეს. ეს არის დაავადების ხასიათი. ამიტომ დაახლოებით, ინფიცირების პირველი დღიდან 13 დღემდე შეიძლება, მოხდეს პროგრესირება. თუ გადავლახეთ ეს 13 დღე და პაციენტის მდგომარეობა იქნება სტაბილური, ეს ნიშნავს, რომ თანდათანობით დაიწყება გაუმჯობესება და გამოჯანმრთელებისკენ ტენდენცია“, – განაცხადა ეზუგბაიამ.

მანვე დასძინა, რომ ერთ-ერთი პაციენტის მიმართ მე-16 დღეზე ჩატარებული პასუხის სუსტად დადებითია, შემცირდა ვირუსის კონცენტრაცია, მაგრამ ის მაინც არის.

„ამიტომ მაინც ჯერ დადებითად მიიჩნევა და საჭიროა გაგრძელდეს მეთვალყურეობა. აღებიდან მაქსიმუმ 4ოთხ დღეში უნდა გადაკონტროლდეს კიდევ ერთ დღეში“, – განაცხადა მან.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს