პარლამენტის თავმჯდომარის, არჩილ თალაკვაძის განცხადებით, მაღალი პროფილის საქმეებზე, რომლებზეც გამოძიება მიმდინარეობს, პოლიტიკურ პარტიებს შორის კონკრეტულ პირებზე გადაწყვეტილება არ ყოფილა.

მისი თქმით, პოლიტიკური პარტიები შეთანხმდნენ იმაზე, რომ მართლმსაჯულების სისტემა რომელიმე მხარის მიერ პოლიტიკური მიზნებისთვის გამოყენებული არ უნდა იყოს.

„გუშინ და დღეს ვისმენთ კითხვებს და განსხვავებულ ინტერპრეტაციებს. ეს არის მაღალი პროფილის საქმეები, რომლებზეც მიმდინარეობს გამოძიება. პირდაპირ შემიძლია გითხრათ, რომ ჩვენ, პოლიტიკური პარტიები შევთანხმდით შემდეგზე, რომ მართლმსაჯულების სისტემა რომელიმე მხარის მიერ არ უნდა იყოს გამოყენებული პოლიტიკური მიზნებისთვის და არავინ არ უნდა შეეცადოს მართლმსაჯულებაზე პოლიტიკური ზეგავლენის მოხდენას. ჩვენი პოზიცია აქამდეც, დღესაც და მომავალშიც იქნება სამართლებრივი სახელმწიფოს პრინციპი, სადაც მართლმსაჯულება არ შეიძლება იყოს პოლიტიკური პროცესის ნაწილი და ის არ შეიძლება იყოს პოლიტიკური კალენდრის ნაწილი. სხვა რაიმე კონკრეტული შეთანხმება ამ მიმართულებით, დოკუმენტში არ არის მითითებული და შეგიძლიათ გაეცნოთ ამ შეთანხმების კონკრეტულ ტექსტს. შესაბამისად, კითხვებზე არის თუ არა მიღებული რაიმე კონკრეტული გადაწყვეტილება რომელიმე ადამიანთან დაკავშირებით, ვისზეც ოპოზიცია აკეთებს აქცენტებს, პირდაპირ შემიძლია გითხრათ, რომ არა, ასეთი კონკრეტული შეთანხმება პარტიებს შორის გუშინ არ ყოფილა. არც მიღწეული, არც ხელმოწერილი და არც დადასტურებული. ჩვენი სახელმძღვანელო პრინციპი არის სამართლებრივი სახელმწიფო, სადაც ვინმეს დაკავებასა და პატიმრობაზე ან გათავისუფლებაზე გადაწყვეტილებას არა პოლიტიკოსები, არამედ შესაბამისი ინსტიტუტები იღებენ“, - განაცხადა არჩილ თალაკვაძემ.

შეგახსენებთ, რომ ხელისუფლებასა და ოპოზიციას შორის საარჩევნო მოდელზე შეთანხმება მიღწეულია. მმართველი გუნდი და ოპოზიცია 120/30-ზე მოდელზე, ერთპროცენტიან საარჩევნო და 40-პროცენტიან უმრავლესობის დასაკომპლექტებელ ბარიერზე შეთანხმდნენ.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს