სარფის საბაჟო გამშვები პუნქტი აჭარის მთავრობის თავმჯდომარემ, აჭარის ჯანდაცვის მინისტრთან, აჭარის პოლიციის დეპარტამენტის დირექტორთან და საპატრულოს ხელმძღვანელთან ერთად მოინახულა.

ქვეყანაში ახალი კორონავირუსის შესაძლო გავრცელების პრევენციის მიზნით, სარფის საბაჟო გამშვებ პუნქტზე, თანამედროვე სტანდარტების შესაბამისი საველე კარავი დამონტაჟდა, სადაც ჯანმრთელობის მსოფლიო ორგანიზაციის მიერ მაღალი რისკის ზონებად განსაზღვრული ქვეყნებიდან შემოსული მგზავრები სპეციალურ დაწესებულებაში გადაყვანამდე განთავსდებიან.

,,სარფის საბაჟო გამშვებ პუნქტზე ტარდება ყველა ის ღონისძიება, რომელიც მნიშვნელოვანია კორონავირუსის პრევენციის კუთხით. აჭარის ავტონომიური რესპუბლიკის მთავრობა, ჯანდაცვის სამინისტრო, სრულ კოორდინაციაშია საქართველოს მთავრობასთან, საქართველოს ჯანდაცვის სამინისტროსთან. ტარდება ყველა ის ღონისძიება, რომელიც დაგეგმილია და ითვალისწინებს ჯანმრთელობის მსოფლიო ორგანიზაციის შესაბამის რეკომენდაციებს. ყველა უწყება მულტისექტორულად, კოორდინირებულად მუშაობს და ხდება ყველა იმ ღონისძიების ეფექტურად გატარება, რაც აუცილებელია ვირუსის პრევენციისთვის. დღეის მდგომარეობით აჭარაში არ ფიქსირდება დაინფიცირების შემთხვევა. ყველა ერთად გავაკეთებთ მაქსიმუმს ჩვენი მოქალაქეების ჯანმრთელობის დაცვის კუთხით",- განაცხადა თორნიკე რიჟვაძემ.

ჯანმრთელობის მსოფლიო ორგანიზაციის მიერ მაღალი რისკის ზონებად განსაზღვრული ქვეყნებიდან შემოსული მგზავრები თერმოსკრინინგისა თუ სხვა შესაბამისი პროცედურების გავლის შემდეგ, მოსაცდელი დარბაზის ნაცვლად, ნახევრად თერმულ, თანამედროვე სტანდარტების შესაბამის კარვებში განთავსდებიან. კარავში მუდმივად იმორიგევებს სამედიცინო პერსონალი. 

ავტორი: NS (სტატია დაფინანსებულია),

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა