„ლარის კურსი ბევრ რამეზეა დამოკიდებული, მათ შორის, საგარეო მოვლენების განვითარებასა და კორონავირუსის გამო მიმოსვლის შეფერხებაზე“, - ამის შესახებ ფინანსთა მინისტრმა ივანე მაჭავიანმა ჟურნალისტებს ლარის კურსთან დაკავშირებით განუცხადა.

მისი თქმით, მთავარია ლარის კურსის ცვლილებასთან დაკავშირებით, ხელოვნური ჩარევებისაგან თავი შევიკავოთ.

„მაშინ როდესაც ლარი გაუფასურდა და ახლა როდესაც მყარდება ამ მიმართულებით პროგნოზს არც ერთი პასუხისმგებლიანი ადამიანი არ აკეთებს და არც უნდა გააკეთოს. ჩვენ ვამბობთ, რომ ლარი მოძებნის თავის წონასწორულ კურსს, ზოგჯერ გაუფასურებულია ზოგჯერ გამყარებულია. დღევანდელი ანალიზით, ჩვენ დღეს დაახლოებით ამ წონასწორობის დიაპაზონში ვდგავართ. რა იქნება ორ ან სამ თვეში ეს ბევრ რამეზეა დამოკიდებული და ამაზე პროგნოზი არავინ არ უნდა გააკეთოს. ეს დამოკიდებული იქნება, თუ როგორ განვითარდება საგარეო მოვლენები, როგორი იქნება ტურიზმის სეზონი და ასევე აღსანიშნავია ისიც, რომ ბოლო პერიოდში, კორონავირუსმა ზოგიერთ ქვეყანასთან ფრენები შეაფერხა. მთავარი არის, რომ ჩვენ ხელოვნური ჩარევებისგან თავი შევიკავოთ“,- განაცხადა  ივანე მაჭავარიანმა.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”