გარემოს დაცვისა და სოფლის მეურნეობის სამინისტროს გადაწყვეტილებით, საქართველოს ყველა  რეგიონის  თვითმმართველობის  წარმომადგენლებთან შეხვედრები იმართება. შეხვედრებს ორგანიზებას სამინისტროს უწყება - სოფლისა და სოფლის მეურნეობის განვითარების სააგენტო უწევს.

კახეთის რეგიონის თვითმმართველობისა და ადგილობრივი ხელისუფლების წარმომადგენლებთან შეხვედრა ყვარელში ჩატარდა.

შეხვედრის მონაწილეებს  სიტყვით კახეთის  რეგიონის  სახელმწიფო რწმუნებულმა, ირაკლი ქადაგიშვილმა და სოფლისა და სოფლის მეურნეობის განვითარების  სააგენტოს დირექტორმა, ილია თამარაშვილმა მიმართეს.

ილია თამარაშვილმა სახელმწიფო პროგრამების შესახებ ფერმერთა ინფორმირებისათვის  ადგილობრივი თვითმმართველობების წარმომადგენელთა ჩართულობის მნიშვნელობას გაუსვა ხაზი. მისი განცხადებით,  სოფლისა და სოფლის მეურნეობის განვითარების  მიმართულებით პროგრამები სოფლად დამატებითი ღირებულებების შექმნას, სამუშაო ადგილების გაჩენას  და შემოსავლების ზრდას უზრუნველყოფს.

სოფლისა და სოფლის მეურნეობის განვითარების სააგენტოს მიერ, 2019 წელს, ადგილობრივი მეწარმეებისა და ფერმერების მხარდაჭერის მიზნით,  კახეთის რეგიონში არაერთი მიზნობრივი  პროგრამა  განხორციელდა, მათ შორის, სასოფლო-სამეურნეო კოოპერატივების განვითარების ხელშეწყობის მიმართულებით. აღსანიშნავია, რომ კახეთის რეგიონში, აგროდაზღვევის პროგრამის ფარგლებში,  გასულ წელს, ანაზღაურებულმა თანხამ 2 მილიონ ლარს გადააჭარბა. 

შეხვედრაზე გარემოს დაცვისა და სოფლის მეურნეობის სამინისტროს შესაბამისი უწყებების  წარმომადგენლებმა  მიმდინარე და დაგეგმილი პროექტების შესახებ პრეზენტაციები წარმოადგინეს.    

შეხვედრებზე სამინისტროს და სამინისტროს სისტემაში შემავალი უწყებების პროგრამებისა და სერვისების შესახებ ინფორმაციაზე ხელმისაწვდომობის გაზრდის მექანიზმებზე იმსჯელეს.

ავტორი: ექსპრესნიუსი,

სოციალური ქსელები

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.

დათუნაშვილი - სამშობლოს ღალატში გამოწრთობილი ხელისუფლება მორიგ მოღალატეობრივ აქტს სჩადის