საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გიორგი წოწკოლაური, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ბესარიონ სიმონიშვილი და წყალტუბოს მუნიციპალიტეტის მერი გრიგოლ იოსელიანი წყალტუბოში, ყოფილი სანატორიუმების შენობებში მცხოვრებ დევნილ ოჯახებს შეხვდნენ.

შეხვედრაზე მინისტრის მოადგილემ და სააგენტოს დირექტორმა განსახლებასთან დაკავშირებით, იძულებით გადაადგილებული პირების შეკითხვებს უპასუხებს. სანატორიუმ „გეოლოგის“ შენობაში მცხოვრები დევნილები ახალაშენებულ კორპუსებში უპირობო გადაყვანას ითხოვენ.

სააგენტოს დირექტორის განცხადებით, საცხოვრებელი ფართები გრძელვადიანი განსახლების კრიტერიუმების შესაბამისად ნაწილდება და განაცხადების შევსება 17 თებერვლის  ჩათვლით მიმდინარეობს. რა თქმა უნდა, წყალტუბოში ავარიულ შენობებში მცხოვრებ დევნილ ოჯახებს კრიტერიუმების მიხედვით დამატებითი ქულა მიენიჭებათ.  ავარიული ობიექტებისა და მათ შორის წყალტუბოს სანატორიუმების დახურვა სახელმწიფოსთვის კვლავ პრიორიტეტია, თუმცა, გასათვალისწინებელია იმ დევნილი ოჯახების საჭიროებებიც, რომლებსაც წლების განმავლობაში თავშესაფარი საერთოდ არ გააჩნდათ.

ამ ეტაპზე, დევნილთა, ეკომიგრანტთა და საარსებო წყაროებით უზრუნველყოფის სააგენტო წყალტუბოში, ახალაშენებულ კორპუსებში ბინას 140 დევნილ ოჯახს გადასცემს. დამატებით, 420 იძულებით გადაადგილებული ოჯახისთვის, 6 კორპუსის სამშენებლო სამუშაოები მიმდინარეობს, რომელიც  2021 წლის პირველ ნახევარში დასრულდება.

ავტორი: NS (სტატია დაფინანსებულია),

სოციალური ქსელები

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.

დათუნაშვილი - სამშობლოს ღალატში გამოწრთობილი ხელისუფლება მორიგ მოღალატეობრივ აქტს სჩადის