2020 წლის 11-12 თებერვალს, სან-ფრანცისკოში, სილიკონ ველიზე სტარტაპ გრაინდის  ყოველწლიური საერთაშორისო კონფერენცია გაიმართება. საქართველოდან კონფერენციას ათამდე წარმატებული ქართული სტარტაპი დაესწრება: Biocure,  Clothes to Me, Raven, Phubber, Pulsar, Stack, Georgian Wine Finder, Qvevri, Goforit, Ztractor, Elven Technologies.  ვიზიტი Startup Grind Tbilisi-სა და ეკონომიკისა და მდგრადი განვითარების სამინისტროს  ინოვაციების და ტექნოლოგიების სააგენტოს ორგანიზებით ხორციელდება.

Startup Grind Global 2020 ყველაზე მნიშვნელოვანი მოვლენაა ინფორმაციულ-ტექნოლოგიურ სფეროში მოღვაწე კომპანიებისა და ადამიანებისთვის. საერთაშორისო კონფერენცია თავს უყრის მსოფლიოს მასშტაბით 10000-ზე მეტ ტექნოლოგიურ ლიდერს, ცნობილი კომპანიების დამფუძნებლებს,  წარმატებული ბრენდების წარმომადგენლებს, მსოფლიო დონის სპიკერებს,  მსხვილ ინვესტორებს, ანტრეპრენერებსა და სტარტაპერებს.  

საქართველოდან ჩასულ დამწყებ ანტრეპრენერებს  საშუალება ექნებათ დამსწრე საზოგადოებას გააცნონ საკუთარი სტარტაპები, მონაწილეობა მიიღონ სხვადასხვა პანელურ დისკუსიაში, 100-მეტ სესიასა თუ სოციალურ ღონისძიებაში.  ქართული დელეგაცია ასევე შეხვედრას გამართავს ქართულ დიასპორასთან და მსხვილ ინვესტორებთან.

დაგეგმილი ღონისძიების მეშვეობით, დამწყებ ქართველ ანტრეპრენერებს ეძლევათ შანსი საერთაშორისო კავშირების დამყარებაში. თავის მხრივ, საქართველოსთვის,  როგორც ტექნოლოგიური სფეროს განვითარებადი ქვეყნისთვის,  დიდი შესაძლებლობაა, მოიზიდოს როგორც ინვესტიციები, ისე ხელი შეუწყოს ეკოსისტემის ზრდასა და რეგიონის დამაკავშირებელ ჰაბად ჩამოყალიბების პერსპექტივის განვითარებას.

Startup Grind-ი ყველაზე დიდი საერთაშორისო ქსელია სტარტაპებისთვის და განვითარების საწყის ეტაპზე მყოფი კომპანიებისთვის. იგი 600-ზე მეტ წარმომადგენლობას და ორ მილიონ წევრს აერთიანებს.

ავტორი: NS (სტატია დაფინანსებულია),

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს