პარლამენტის დამოუკიდებელი დეპუტატი თამარ ჩუგოშვილი აცხადებს, რომ არ მიაჩნია სწორად ირაკლი შოთაძის გენერალური პროკურორის თანამდებობაზე დაბრუნება და მის ადგილას, ასე არ მოიქცეოდა.

მისივე თქმით, ის კარგი პროფესიონალია.

„როგორც კი დასახელდა შოთაძის გვარი, გასაგები იყო, რომ ხელახლა დაბრუნდებოდა მთავარი პროკურორის პოზიციაზე. მიუხედავად იმისა, რომ ის არის ადამიანი, რომელსაც საპროკურორო მუშაობის საკმაოდ დიდი გამოცდილება აქვს და სამართალშიც კარგი პროფესიონალია, მან თავად დატოვა თანამდებობა, თან ისეთ ფონზე, რომელიც უკავშირდებოდა პროკურატურის საქმიანობის მიმართ საზოგადოების ძალიან დიდ აღშფოთებას. მე უბრალოდ არ მიმაჩნია სწორად ასეთი წასვლის შემდეგ უკან დაბრუნება იგივე თანამდებობაზე. მე მას არ განვსჯი, მაგრამ მე მის ადგილზე ასე არ მოვიქცეოდი. არ მგონია სწორი“, – აცხადებს ჩუგოშვილი.

შეგახსენებთ, რომ გენერალური პროკურორის ვაკანტურ თანამდებობაზე „საქართველოს ტექნიკურმა უნივერსიტეტმა“ საპროკურორო საბჭოს ირაკლი შოთაძის კანდიდატურა წარუდგინა.

ირაკლი შოთაძე, რომელიც ერთხელ უკვე იკავებდა გენერალური პროკურორის თანამდებობას,  2018 წლის 31 მაისს პოსტი დატოვა. მის გადადგომას წინ უძღოდა ხორავას ქუჩაზე მოკლული დავით სარალიძის ოჯახისა და მისი მხარდამჭერების აქციები გამოძიების პროცესში არსებული დარღვევების გასაპროტესტებლად.

ავტორი: ექსპრესნიუსი,

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა