ოკუპირებული ცხინვალის ე.წ სახელმწიო უშიშროების კომიტეტის ინფორმაციით, ახალგორის მოსახლეობა ე.წ საზღვარზე გადასვლას ორ თვეში ერთხელ შეძლებს - ამის შესახებ „რესი“ წერს.

ე.წ კომიტეტში აცხადებენ, რომ ადგილობრივებს, რომლებსაც არ აქვთ სამხრეთ ოსეთის მოქალაქეობა და პენსიას საქართველოს კონტროლირებად ტერიტორიაზე იღებენ, „რაზდახანის“ საგუშაგოს გავლით გადმოსვლა შეეძლებათ.

როგორც ე.წ სახელმწიფო უშიშროების კომიტეტის მიერ გავრცელებულ ინფორმაციაშია ნათქვამი, შესაბამისი ზომები „უსაფრთხოების საბჭოს“ 2019 წლის 2 დეკემბრის გადაწყვეტილებით მიიღეს.

„მითითებული კატეგორიის ადამიანების საქართველოში გამგზავრება ნებადართულია 24 იანვრიდან 6 თებერვლის ჩათვლით. გამშვები პუნქტი „რაზდახანი“ ფუნქციონირებს დილის 8:00 საათიდან 11:00 საათამდე საქართველოს მიმართულებით, ხოლო სამხრეთ ოსეთის ტერიტორიაზე გადასასვლელად 17:00 საათიდან 20:00 საათამდე“, - აღნიშნულია განცხადებაში.

შეგახსენებთ, რომ ოკუპირებული ცხინვალის დე ფაქტო მთავრობამ ე.წ. საზღვარი 5 სექტემბერს ჩაკეტა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც