2020-01-23 12:42:33, 1278 ნახვა

---

„საერთაშორისო გამჭვირვალობა“ - კორუფციის აღქმის ინდექსში, საქართველოს 56 ქულა აქვს, რაც რეგიონში ყველაზე კარგი მაჩვენებელია

საერთაშორისო ორგანიზაცია „საერთაშორისო გამჭვირვალობამ“ 2019 წელს არსებული კორუფციის აღქმის ინდექსი გამოაქვეყნა. კვლევის თანახმად, საქართველოს აღმოსავლეთ ევროპისა და ცენტრალური აზიის რეგიონში ყველაზე კარგი მაჩვენებელი აქვს.

ანგარიშის მიხედვით, გასულ წელთან შედარებით, საქართველოს მაჩვენებელი 2 ქულით არის შემცირებული, მსოფლიო მასშტაბით 180 ქვეყანას შორის კორუფციის მაჩვენებლით საქართველო 44-ე ადგილზეა, ხოლო საქართველოში არსებული კორუფციული გარემო 100 ქულიდან 56-ით შეფასდა.

„საერთაშორისო გამჭვირვალობა“ აღნიშნავს, რომ აღნიშნულ რეგიონში საშუალოზე მაღალი მაჩვენებელი მხოლოდ სამ ქვეყანას აქვს, საქართველოს (56), ბელორუსს (45) და მონტენეგროს (45). 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი