დღეს, 15:00 საათზე, თბილისის საქალაქო სასამართლოში 31 დეკემბერს პარლამენტის შენობასთან დაკავებულთა სასამართლო სხდომა გაიმართება.

ზუკა ბერძენიშვილი, ბექა კოკაია, გიორგი მუმლაძე, ლაშა ბურდული და ზურაბ მჟავანაძე პოლიციამ მას შემდეგ დააკავა, რაც მათ პარლამენტის წინ მალხაზ მაჩალიკაშვილისა და თორნიკე მამალაძის მიერ განთავსებული კარვების აღება გააპროტესტეს.

შინაგან საქმეთა სამინისტრო დაკავებულებს წვრილმან ხულიგნობასა (ასკ-ის 166-ე მუხლი) და პოლიციელის კანონიერი მოთხოვნისადმი დაუმორჩილებლობას (ასკ-ის 173-ე მუხლი) ედავება.

საქმეს თბილისის საქალაქო სასამართლოს მოსამართლე, ივანე აღნიაშვილი განიხილავს. პირველ სასამართლო სხდომაზე მოსამართლემ დააკმაყოფილა დაცვის მხარის შუამდგომლობა და მტკიცებულებათა მოპოვებისა და მათი სასამართლოსთვის წრდგენის მიზნით საქმის განხილვა სხვა დროისათვის გადადო.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს