ოკუპირებული აფხაზეთის დე ფაქტო პრეზიდენტი რაულ ხაჯიმბა ე.წ. საპრეზიდენტო არჩევნების შედეგების ბათილად ცნობის შესახებ უზენაესი სასამართლოს გადაწყვეტილებას გაასაჩივრებს.

ამის შესახებ განცხადებას აფხაზეთის საოკუპაციო რეჟიმის ე.წ პრეზიდენტის პრესსამსახური ავრცელებს.

მათი განცხადებით, აღნიშნული გადაწყვეტილება მიღებული იქნა სამთავრობო შენობების დარბევის, პრეზიდენტის ადმინისტრაციაზე შტურმის და სასამართლო შენობის ალყის პირობებში, რაც ობიექტურად ვერ ჩაითვლება.

„გადაწყვეტილება მიღებული იქნა სამთავრობო შენობების დარბევის, პრეზიდენტის ადმინისტრაციაზე შტურმის და სასამართლო შენობის ალყის პირობებში. მსგავსი ზეწოლის პირობებში საუბარი იმაზე, რომ ობიექტური გადაწყვეტილება იქნა მიღებული შეუძლებელია. გადაწყვეტილების გასაჩივრება უზენაესი სასამართლოს პრეზიდიუმში მოხდება“, - ნათქვამია განცხადებაში.

შეგახსენებთ, რომ ოკუპირებულ აფხაზეთში ორი დღის მანძილზე  ოპოზიციის მომხრეები საპროტესტო აქციებს  მართავენ. აქციის მონაწილეები, დე ფაქტო პრეზიდენტის ადმინისტრაციაში შეიჭრნენ. მომიტინგეები ე.წ საპრეზიდენტო არჩევნების შედეგების ბათილად ცნობას და დე ფაქტო პრეზიდენტის რაულ ხაჯიმბას გადადგომას ითხოვდნენ. მოგვიანებით, ე.წ. უზენაესი სასამართლოს საკასაციო კოლეგიამ „ამცახარას“ ლიდერის, ალხას კვიწინიას საჩივარი „საპრეზიდენტო არჩევნების შედეგების ბათილად ცნობის შესახებ“ დააკმაყოფილა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს