„ბიძინა ივანიშვილისთვის და მისი „კლოუნების“ გუნდისთვის არსებობს ორი სცენარი - ცუდი და ძალიან ცუდი“, - ამის შესახებ, „ევროპული საქართველოს“ ერთ-ერთმა ლიდერმა, გიგა ბოკერიამ ჟურნალისტებთან საუბრისას განაცხადა.

ბოკერიას თქმით, ოპოზიციის წარმომადგენლების მიერ აღძრული საქმეებით ნათლად ჩანს, რომ ივანიშვილის რეჟიმი აგონიაშია.

„ზოგადად ყველა ვხედავთ, რომ აგონიაში მყოფი ივანიშვილი რეჟიმი ახდენს დაჩქარებას ყველგან, ხალხს ბრალი აქვს წაყენებული, ხუთ-ხუთი სხდომა ჩანიშნეს ყველგან. ივანიშვილს მიაჩნია, რომ ეს არის მისთვის გადარჩენის გზა. ის მწარედ ცდება. ცდება. მისთვის და მისი კლოუნების გუნდისთვის არსებობს ორი სცენარი – ცუდი და ძალიან ცუდი. ქვეყნისთვის სჯობს, რომ ცუდი სცენარი აირჩიოს მისთვის, მაგრამ ჩვენ ყველანაირი სცენარისთვის ვართ მზად. იმ შეურაცხყოფის შემდეგ, რომელიც მიაყენა საზოგადოებას, რომ ყველანი ფეხებზე მკიდიხართო, არსებობს მთავარი დაკვეთა და ახლა არის ამ დაკვეთის შესრულება – მისი ჩამოცილება ხელისუფლებიდან, სასურველია პროპორციული თავისუფალი არჩევნებით, ან შედარებით თავისუფალი არჩევნებით. თუ ის ასლან აბაშიძის გზას გააგრძელებს, აკეთებს ძალიან ცუდ და მისთვის პოლიტიკურად ტრაგიკულ არჩევანს“, – განაცხადა გიგა ბოკერიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა