2019 წლის ეკონომიკური შედგების შეფასებისას, მინდა ხაზგასმით გამოვყო ენერგეტიკის სექტორი და აღვნიშნო, რომ წელს ენერგეტიკის სექტორში რთული, მაგრამ ძალიან შედეგიანი  რეფორმა დავიწყეთ, - ამის შესახებ ეკონომიკისა და მდგრადი განვითარების მინისტრმა ნათია თურნავამ ტურიზმის 2019 წლის შედეგების პრეზენტაციის შემდეგ მედიასთან საუბრისას განაცხადა.

მინისტრის თქმით, რეფორმის ფარგლებში გაიხსნა ენერგეტიკული ბაზარი და შეიქმნა კონკურენტული გარემო.

„რაც ყველაზე მნიშვნელოვანია, გავუმკლავდით ისეთ გამოწვევებს, რომლებიც ჰიდროსადგურების მშენებლობასთან იყო დაკავშირებული და უკვე 25-მდე ახალი მცირე ჰესის პროექტი იწყება. მაგალითისთვის ვიტყვი, რომ მათ შორისაა ისეთი დიდი ისტორიული პროექტი, როგორიცაა ნამახვანიჰესი", - აღნიშნა ნათია თურნავამ.

 მისივე განცხადებით, რაც ყველაზე მნიშვნელოვანია, ენერგეტიკის სექტორის რეფორმა ხელს უწყობს მოსახლეობისთვის ელექტროენერგიისა და ბუნებრივი გაზის ტარიფების სტაბილურობას.

„თქვენ ხედავთ ამ ფონზე სემეკის გადაწყვეტილებებს -  უახლოესი 3 წელი ჩვენ პრობლემა არ გვექნება ამ მიმართულებით, მოსახლეობას შეუძლია მშვიდად იყოს - ელექტროენერგიის და გაზის ტარიფები მართვადია", -აღნიშნა ეკონომიკის მინისტრმა.

ავტორი: NS (სტატია დაფინანსებულია),

სოციალური ქსელები

მარნეულში ავარიას მოტოციკლის მძღოლი ემსხვერპლა

ხოშტარია: დაწყებულია ტკივილის მართვა, რამაც დიდი შვება მომცა, ბევრად უკეთ ვგრძნობ თავს

პროკურატურამ ფორმულას მიმართ აღძრულ საქმეზე გამოკითხვაზე ოპერატორი მიშო მარტაშვილი დაიბარა

პოეტი ტარიელ ჭანტურია გარდაიცვალა