საკრებულოს ფრაქცია „ნაციონალური მოძრაობის“ წევრებმა - ლევან ხაბეიშვილმა და ირაკლი ნადარეიშვილმა, დედაქალაქის მერის, კახა კალაძის წინააღმდეგ პროკურატურაში ორი საჩივარი დაარეგისტრირეს.

საჩივრები საახალწლო ნაძვის ხეს და ვაკეში სკამების შესაძენ სატენდერო დოკუმენტაციას ეხება.

როგორც ხაბეიშვილმა ჟურნალისტებს განუცხადა, პროკურატურამ უნდა გამოიძიოს, რამდენად ადეკვატური იყო დედაქალაქის მერიის მიერ გაწეული ხარჯები.

„ერთი მილიონი ლარია გადახდილი ნაძვის ხეში, რომლის საბაზრო ღირებულებაც ალბათ არ აღემატება 100 ათას ლარს. ამიტომ მნიშვნელოვანია, პროკურატურამ გამოიძიოს რამდენად ადეკვატური იყო საბიუჯეტო სახსრები, ვგულისხმობ მილიონ ლარს, რომელიც გადახდილია ნაძვის ხეში. ასევე მეორედ განცხადება რომელსაც დღეს დავარეგისტრირებთ პროკურატურაში ეხება სკამებს. 1 ცალ სკამში კალაძე გადაიხდის 12 000 ლარს. პროკურატურას სხვა დანარჩენ საქმეებთან ერთად, ასევე მოუწევს ამ ორი საქმის გამოძიება“, - განაცხადა ლევან ხაბეიშვილმა.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო