„ამ ეტაპზე, ოჯახის მთავარი მოთხოვნა იმ პირების დაკავებაა, რომლებიც უშუალოდ იღებდნენ მონაწილეობას ჩემი ძმის დაკითხვის პროცესში“, - ამის შესახებ გარდაცვლილი მოზარდის, ლუკა სირაძის ძმამ, ბექა სირაძემ განაცხადა.

მისი თქმით, დაკითხვისას პოლიციელები საკმაოდ დაიძაბნენ, რადგან ჩემს ძმას ბრალს ვერ უმტკიცებდნენ.

„ჩემს ძმას ბრალს რომ ვერ უმტკიცებდნენ და თვითონაც არ აღიარებდა, როგორც ვიცი დაიძაბნენ. უკვე ჩემი ძმაც საკმაოდ ხმამაღალი ტონით პასუხობდა და ისიც აგრძელებდა მუქარას. ზევით მჯდომი ერთ-ერთი პოლიციელი ადგა და დედის თვალწინ ჩემ ძმას შეურაცხმყოფელი სიტყვებით მოიხსენიებდა. ახლა ვერ იხსენებს სახეებს, მაგრამ შესაძლოა თუ ნახავს ამოიცნობს.

ამ ეტაპზე, ოჯახის მთავარი მოთხოვნა იმ პირების დაკავებაა, რომლებიც უშუალოდ იღებდნენ მონაწილეობას ამ პროცესში“, - განაცხადა ბექა სირაძემ.

ცნობისთვის, 15 წლის მოზარდი, რომელმაც რამდენიმე დღის წინ თვითმკვლელობა სცადა, საავადმყოფოში გარდაიცვალა. მოზარდის მიერ თვითმკვლელობის მთავარ მიზეზად გამომძიებლის მხრიდან ფსიქოლოგიური ძალადობა სახელდება. საქმეს ამ დროისთვის სახელმწიფო ინსპექტორის სამსახური იძიებს და გამომძიებელი მარიანა ჩოლოიანი, სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დააკავეს.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო