Facebook-მა „ქართულ ოცნებასთან“ დაკავშირებული ასობით გვერდი, ჯგუფები და ყალბი ანგარიშები წაშალა.

როგორც Facebook-ის მიერ გავრცელებულ ინფორმაციაში აღნიშნული, ზემოხსენებული გვერდები და ანგარიშები პროსახელისუფლებო, ანტიოპოზიციურ და ანტიდასავლურ კამპანიაში იყვნენ ჩართულნი.

„ამ საქმიანობის უკან მდგომი ადამიანები თავს ასაღებდნენ პოლიტიკურ პარტიებად, მედიებად, აქტივისტებად და რეალურ პირებად. მათ მიერ გავრცელებული ინფორმაციები ძირითადად მოიცავდა პოლიტიკურ საკითხებს, როგორიცაა არჩევნები, მთავრობის პოლიტიკა, საჯარო მოხელეები, ოპოზიციის და ადგილობრივი აქტივისტური ორგანიზაციების კრიტიკა.

გამოძიებით დადგინდა, რომ ეს ადამიანები და მათ მიერ განხორციელებული აქტივoბები უკავშირდება სარეკლამო კომპანია "პანდას" და “ქართულ ოცნებას” (მმართველ პარტიას)“, - ნათქვამია Facebook-ის განცხადებაში.

ჯამში, Facebook-მა 344 გვერდი, 39 პროფილი, 13 ჯგუფი და ინსტაგრამის 22 ანგარიში წაშალა. გვერდები 440 000-ზე მეტ მომხმარებელს ჰქონდა გამოწერილი. მათი რეკლამირებისთვის 316 000-მდე ამერიკული დოლარი დაიხარჯა.  

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო