„სისტემურ ხარვეზებს ვერ აღმოფხვრის მხოლოდ ცალკეულ პირთა სისხლისსამართლებრივი პასუხისმგებლობა“, - ასე ეხმაურება „დემოკრატიის კვლევის ინსტიტუტი“ 15 წლის მოზარდის გარდაცვალების ფაქტს და შესაბამის განცხადებას ავრცელებს.

აღნიშნული ორგანიზაცია სახელმწიფო ინსპექტორის სამსახურს გამოძიების შემჭიდროვებულ ვადებში წარმართვისკენ მოუწოდებს და ამბობს, რომ ლუკა სირაძის საქმის გარშემო განვითარებულ მოვლენებს ყურადღებით დააკვირდება.

„დემოკრატიის კვლევის ინსტიტუტის“ გუნდი მწუხარებას გამოთქვამს 15 წლის ლუკა სირაძის გარდაცვალების გამო და თანაგრძნობას უცხადებს გარდაცვლილის ოჯახის წევრებს, ახლობლებსა და საზოგადოებას. 

საქმეში გამოკვეთილი დარღვევები, მათ შორის, სპეციალიზაციის არმქონე სამართალდამცავთა ურთიერთობა არასრულწლოვანთან, სავარაუდოდ მუქარისა და დაშინების გამოყენება აღიარების მიღების მიზნით, ხაზს უსვამს ქართული მართმსაჯულების სისტემურ ხარვეზებს. მიუხედავად საგანგებოდ შემუშავებული არასრულწლოვანთა მართმსაჯულების კოდექსისა, რომელიც თავის დროზე სამართლიანად შეფასდა მნიშვნელოვან წინგადადგმულ ნაბიჯად, პოლიციის სისტემა არ/ვერ იცავს ბავშვის საუკეთესო ინტერესებს და არ არის ინდივიდუალურ მიდგომაზე დაფუძნებული.

„დემოკრატიის კვლევის ინსტიტუტი“ მიიჩნევს, რომ სისტემურ ხარვეზებს ვერ აღმოფხვრის მხოლოდ ცალკეულ პირთა სისხლისსამართლებრივი პასუხისმგებლობა და მოუწოდებს სახელმწიფო ინსპექტორის სამსახურს შემჭიდროვებულ ვადებში წარმართოს გამოძიება.  საქმეში მონაწილე ყველა პირის ვინაობის, როლისა და პასუხისმგებლობის დადგენა მიუხედავად მათი თანამდებობრივი იერარქიისა, საზოგადოებას სისტემური ხარვეზების ანალიზის საშუალებას მისცემს.

ლუკა სირაძის საქმის გამოძიება იქნება ტესტი, რამდენად ეფექტურია სახელმწიფო ინსპექტორის სამსახური სამართალდამცავი ორგანოს წარმომადგენლების მიერ სავარაუდოდ ჩადენილი დანაშაულის წინააღმდეგ ბრძოლაში.  

„დემოკრატიის კვლევის ინსტიტუტი“ ყურადღებით დააკვირდება საქმის გარშემო განვითარებულ მოვლენებს“, - ნათქვამია ორგანიზაციის განცხადებაში.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო