საქართველოს ფოლკლორის სახელმწიფო ცენტრი წლებია წარმატებით თანამშრომლობს შუახევის მუნიციპალიტეტის მერიასთან, რის შედეგად არაერთი წარმატებული პროექტი განხორციელდა.

6-7-8 დეკემბერს საქართველოს ფოლკლორის სახელმწიფო ცენტრში ჩატარდა აჭარული ხალხური ცეკვის მასტერკლასი, რომელშიც მონაწილეობდა შუახევის ანსამბლი ,,ფესვები“. სამდღიანი მასტერკლასი მოიცავს როგორც თეორიულ, ისე პრაქტიკულ სწავლებას. მასტერკლასმა დიდი გამოხმაურება ჰპოვა და მაღალი შეფასება დაიმსახურა კომპეტენტური ორგანიზაციებისა და პროფესიონალებისგან.

ანსამბლის წევრები მასტერკლასის წარმატებით ჩატარებისთვის საქართველოს ფოლკლორის სახელმწიფო ცენტრმა მადლობის სიგელით დააჯილდოვა. წარმატებული პროექტის ხელშეწყობისთვის საქართველოს ფოლკლორის სახელმწიფო ცენტრისგან სამადლობელი წერილი მიიღო მუნიციპალიტეტის მერმა.

დღეს, ანსამბლ ,,ფესვების” წევრებს შუახევის მერი ფრიდონ ფუტკარაძე შეხვდა და აჭარული ცეკვის მასტერკლასში წარმატებული მონაწილეობისათვის მადლობა გადაუხადა, მომავალში თანადგომას და მხარდაჭერას დაჰპირდა.

საქართველოს ფოლკლორის სახელმწიფო ცენტრსა და შუახევის მერიას შორის გაფორმებული ურთიერთთანამშრომლობის მემორანდუმის საფუძველზე ფუნქციონირებს შუახევის სალოტბარო სკოლა, რომელშიც ადგილობრივი ახალგაზრდები უფასოდ ეუფლებიან ქართულ გალობას და სიმღერას, რაც უდიდესი საქმეა ადგილობრივი მდიდარი ტრადიციების შენარჩუნებისა და მომავალი თაობებისათვის გადასაცემად.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს