„ქართული ოცნების“ წევრი ენძელა მაჭავარიანი აცხადებს, რომ გუნდს აღარ აქვს საკონსტიტუციო უმრავლესობა და შესაბამისად, ვერც ერთ საარჩევნო ცვლილებას ვერ დაუჭერს მხარს.

მისივე თქმით, ის შერეულ საარჩევნო სისტემას უჭერს მხარს, თუმცა პროპორციულ სისტემას საზოგადოების პროტესტის გამო მიემხრო.

„ჩვენ აღარ გვაქვს საკონსტიტუციო უმრავლესობა და არ გვაქვს იმის შესაძლებლობა, რომ მივიღოთ ცვლილება. ვერ გერმანულ, ვერც ფრანგულ და ვერანაირ ახალ მოდელს ვერ მივიღებთ. უნდა შევეგუოთ იმას, რომ შერეული სისტემით უნდა ჩავატაროთ არჩევნები. ბიძინა ივანიშვილი არასდროს არ იმალება სხვის ზურგს უკან, ყოველთვის აცხადებს იმას, რასაც ფიქრობს

მე მხარს ვუჭერ შერეულ სისტემას, პროპორციულს იმიტომ დავუჭირე მხარი, რომ ეს იყო ხალხის მოთხოვნა და მხოლოდ მაჟორიტარული სისტემით არჩევნების ჩატარება, არ მიმჩნია იყოს სწორი. სასურველია იყოს მაჟორიტარული და პროპორციული სისტემა“, - განაცხადა ენძელა მაჭავარიანმა.

ავტორი: ექსპრესნიუსი,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა