„მელიასადმი დაკისრებული სანქცია რის საკმაოდ რბილი, საუბარია მხოლოდ ჯარიმაზე და თანამდებობის ჩამორთმევაზე“, - ასე გამოეხმაურა პარლამენტის ყოფილი თავმჯდომარე, ირაკლი კობახიძე საქალაქო სასამართლოს მიერ ნიკა მელიას მიმართ გამოტანილ განაჩენს.

მისი თქმით, პოლიტიკური ანგარიშსწორების შემთხვევაში, სანქცია შესაძლოა უფრო მკაცრი ყოფილიყო.

„ყველამ დიდი ხანია იცის, რომ ნიკანორ მელია არის კრიმინალი, მას აქვს ჩადენილი კონკრეტული სისხლის სამართლის დანაშაულები და ამ დანაშაულზე მიეცა ის პასუხისგებაში. როგორც ხედავთ, აქ რომ იყოს რაიმე პოლიტიკურ ანგარიშწორებაზე საუბარი, შეიძლება უფრო მკაცრიც ყოფილიყო ეს სანქცია. სანქცია არის საკმაოდ რბილი, საუბარია ჯარიმაზე და თანამდებობის ჩამორთმევაზე. შესაბამისად ეს არის იმის დასტური, რომ არანაირ პოლიტიკურ ანგარიშსწორებასთან არ გვაქვს საქმე. ჩაიდინა კონკრეტული დანაშაული, ის მონაწილეობდა ადეიშვილთან ერთად „ქართუ ბანკის“ გაკოტრებაში და აქ სანქციის ადეკვატურობაზე ლაპარაკიც ზედმეტია", - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა