„პროკურატურა ივანიშვილმა და „ქართულმა ოცნებამ“ თავად დააბოქლომეს და ის ემსახურება მხოლოდ პოლიტიკურ ინტერესებს“, - ამის შესახებ „ახალი საქართველოს“ ლიდერმა გიორგი ვაშაძემ ჟურნალისტებს პროკურატურასთან განუცხადა, სადაც შესასვლელ ჭიშკარს ბოქლომი დაადეს.

მისი თქმით, ირაკლი ოქრუაშვილი პოლიტიკური პატიმარია და ამიტომ, ოპოზიცია მას მხარდაჭერას უცხადებს.

„ამათ ჭკუა აქვთ საერთოდ? მშვიდობიანი აქციაა და რა დღეში არიან. ბატონო ბიძინა რა დღეში ხართ, რატომ ნერვიულობთ? მშვიდობიანი აქციაა. აცადეთ ხალხს მშვიდობიანი პროტესტის გამოხატვა. არა გაქვთ ამის უფლება. ჩვენ ვაგრძელებთ დაბოქლომების პროცესს. პროკურატურა ივანიშვილმა და „ქართულმა ოცნებამ“ თავად დააბოქლომეს და ის ემსახურება მხოლოდ პოლიტიკურ ინტერესებს. ირაკლი ოქრუაშვილის საქმე ყველამ ვიცით, რომ ასეთია ამიტომ ოპოზიცია ერთიანი ვართ და მოვედით აქ, რათა მხარი დავუჭიროთ სხვა ოპოზიციურ პარტიას. ეს არის პოლიტიკური, ამიტომ ჩვენი მშვიდობიანი არაძალადობრივი წინააღმდეგობის გეგმა მოქმედებაშია და აუცილებლად გავიმარჯვებთ რადგან სიმართლე ჩვენს მხარესაა“, - ამბობს გიორგი ვაშაძე.

შეგახსენებთ, რომ დღეს, ოპოზიციური პარტიების წარმომადგენლებმა და პანკისის სპეცოპერაციის დროს მოკლული თემირლან მაჩალიკაშვილის მამამ, მალხაზ მაჩალიკაშვილმა, გენერალური პროკურატურის ჭიშკარს ბოქლომი დაადეს.

ავტორი: ექსპრესნიუსი,

სოციალური ქსელები

ბოჭორიშვილი: ნაურუს მიერ მიღებული გადაწყვეტილება აფხაზეთისა და სამხრეთ ოსეთთან დიპლომატიური ურთიერთობების გაწყვეტის შესახებ, საქართველოს არაღიარების პოლიტიკის მნიშვნელოვანი გამარჯვებაა

საქართველოს ბანკის ფინანსური განათლების ეკოსისტემა - ინიციატივა, რომელიც ფინანსურ განათლებას ყველა თაობისთვის ხელმისაწვდომს ხდის

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ