საპარლამენტო უმრავლესობა განათლების, მეცნიერებისა და კულტურის კომიტეტის თავმჯდომარე მარიამ ჯაშმაც დატოვა.

როგორც მან ჟურნალისტებს განუცხადა, გადაწყვეტილების მიზეზი პროპორციული საარჩევნო სისტემის შესახებ კანონპროექტის ჩაგდება გახდა, რომლის დამკტიცების პირობაც მმართველმა გუნდმა 2 თვის წინ დადო.

„მე ვტოვებ ქართული ოცნების უმრავლესობას და შესაბამისად, განათლების მეცნიერებისა და კულტურის კომიტეტის თავმჯდომარის პოსტს. პირადად მე მხარი დავუჭირე პროპორციულ სისტემაზე გადასვლას. ამ შემთხვევაში, ჩვენი, ორი თვის წინ დადებული პირობა, რაც საზოგადოებასა და საერთაშორისო საზოგადოებას მივეცით, იყო პრინციპული საკითხი, გაგვეტანა ეს გადაწყვეტილება“, - განაცხადა მარიამ ჯაშმა.

შეგახსენებთ, ჯაშის გარდა, დღეს კენჭისყრის შემდეგ საპარლამენტო უმრავლესობა კიდევ 7-მა დეპუტატმა დატოვა. ესენი არიან: თამარ ჩუგოშვილი; თამარ ხულორდავა; ირინა ფრუიძემ, გიორგი მოსიძემ, დიმიტრი ცქიტიშვილმა, ზაზა ხუციშვილი; სოფიო ქაცარავა.

ავტორი: ექსპრესნიუსი,

სოციალური ქსელები

კობახიძემ თინათინ რუხაძის და მისი მოადგილის გათავისუფლების შესახებ ბრძანება გამოსცა

სუს-მა ცეცხლსასროლი იარაღისა და საბრძოლო მასალის მართლსაწინააღმდეგო გასაღების ფაქტზე უცხო ქვეყნის მსხვილი კრიმინალური დაჯგუფების სამი წევრი დააკა

საგარეო მიესალმება ნაურუს მიერ ოკუპირებულ ცხინვალთან და აფხაზეთთან დიპლომატიური ურთიერთობების გაუქმებას

კუპრაძე - არაბული ინვესტიციები, რეალურად, არ არსებობს