ჩვენი სამთავრობო გუნდის მიზანია, ფისკალური სტაბილურობის შენარჩუნება მომავალი საარჩევნო წლისთვის, - განაცხადა ფინანსთა მინისტრმა ივანე მაჭავარიანმა საქართველოს პარლამენტში 2020 წლის ბიუჯეტის პროექტის წარდგენისას.

როგორც მან აღნიშნა, ქვეყანას აქვს ძალიან წარმატებული პროგრამა საერთაშორისო სავალუტო ფონდთან და აღნიშნული პროგრამის ფარგლებში მიღებული პოზიტიური შეფასებები მნიშვნელოვანი გზავნილია როგორც ინვესტორებისთვის, ისე ჩვენი საერთაშორისო პარტნიორებისთვის.

„ჩვენი პროგრამა საერთაშორისო სავალუტო ფონდთან უნდა დასრულებულიყო 2020 წლის აპრილში. თუმცა, რადგან მომავალი წელი პოლიტიკურად აქტიური წელია, ჩვენი სამთავრობო გუნდის მიზანია, ფისკალური სტაბილურობის შენარჩუნება. სავალუტო ფონდის პროგრამა კი იქნება ეფექტური სიგნალი ამ მიზნის გასამყარებლად, ამიტომ ჩვენ მივაღწიეთ პირველად შეთანხმებას სავალუტო ფონდთან პროგრამის ერთი წლით გაგრძელების თაობაზე", -  აღნიშნა ივანე მაჭავარიანმა.

(NS)

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა