მთავარი არხის დამფუძნებელი და რუსთავი 2-ის ყოფილი გენერალური დირექტორი ნიკა გვარამია პროკურატურაში მივიდა.
მისი თქმით, უწყებაში მისვლას აზრი არ აქვს და ძაღლს მანის გაასეირნებს.
"გადავწყვიტე, ტყუილად აქ სიარულს ძაღლი გამოვასეირნო ხოლმე, ვერ ვიცლი ამისთვის. უბრალოდ მას ვერ ვაკადრებ იმას, რომ შიგნით შევიყვანო და სი მოვასმენინო რასაც მეტყვიან. რას გვედავებიან ადამიანები, რომლებიც უდიპლომო პროკურორის უწყებაში იგივენაირი გამომძიებლები, რომ იყვნენ ეს არ არის გასაკვირი. ბიძინა ივანიშვილს უნდა გაანეიტრალოს ამ ქვეყანაში ადამიანები და მეც ერთ-ერთი მათგანი ვარ" - განაცხადა გვარამიამ.
ნიკა გვარამიას, „რუსთავი 2“-ის საქმეზე კიდევ ერთი ბრალდება წარედგინება.

ამის შესახებ „ექსპრესნიუსს“ გენერალური პროკურატურიდან აცნობეს.

ბრალდების წარდგენის მიზნით გვარამია საგამოძიებო უწყებაში დღეს, 19:00 საათზეა დაბარებული.

„სამაუწყებლო კომპანია რუსთავი 2-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის საქმეზე, დღეს, 19:00 საათზე საქართველოს გენერალურ პროკურატურაში ახალი ბრალდების წარდგენის მიზნით, დაბარებულია ტელეკომპანია რუსთავი 2-ის ყოფილი გენერალური დირექტორი ნიკა გვარამია“, - აცხადებენ პროკურატურაში.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება