თბილისის ოპერისა და ბალეტის სახელმწიფო თეატრის მიმდებარე ტერიტორიაზე "აბრეშუმის გზის ფორუმის“ პარალელურად მოძრაობა "ქვეყნის სამსახურში"-ს წევრებმა საპროტესტო აქცია გამართეს.

აქციის მონაწილეებმა ადგილზე შემდეგი შინაარსის ბანერები მიიტანეს - "ფეიკ პრემიერი", "რუსული ოცნება", "რუსეთი კლავს, ოცნება კლავს" და "ოცნება" რუსეთის სამსახურში". 

როგორც მომიტინგეებმა განაცხადეს, ისინი 20-21 ივლისის მოვლენებს და გიორგი გახარიას პრემიერის პოსტზე დანიშვნას აპროტესტებენ და მათი მიზანი ამ ფორუმის ჩაშლა არ არის. ადგილზე საპატრულო პოლიცია იყო მობილიზებული.

”პრემიერი ცდილობს მის მიმართ არსებული პროტესტი არ შეიმჩნიოს და უშიშრად გადაადგილდეს საქართველოში. ჩვენ მას ყველგან მოვუწყობთ აქციებს. ის იგრძნობს ყველა ფეხის ნაბიჯზე ჩვენს პროტესტს და დისკომფორტს. ჩვენი მიზანი არ არის შიგნით შესვლა და ამ ფორუმის ჩაშლა. ჩვენ გვესმის ინვესტიციების მნიშვნელობა და ეკონომიკური განვითარების მნიშვნელობაც. ჩემი იქ შესვლის მიზანი იყო პირადად შევხვედროდი გახარიას და მისთვის დამეფიქსირებინა ჩვენი პროტესტი“-განაცხადა მოძრაობა „ქვეყნის სამსახურშის“ აქტივისტმა თამარ კაკაბაძემ.

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას