გურამიშვილის გამზირზე, საცხოვრებელ კორპუსში მომხდარი აფეთქებისას დაშავებული სოსო ჯავახიშვილი ეკონომიკისა და მდგრადი განვითარების სამინისტროს თანამშრომელია.

სამედიცინო დაწესებულებაში, სადაც დაშავებული მკურნალობს, ცოტა ხნის წინ მინისტრი ნათია თურნავა მივიდა.

„მოვედი, რომ სოსო, მისი ახლობლები მოვინახულო, ექიმს მოვუსმინო და ასევე, როგორც ვიცი სხვა დაზარალებულების ძირითადი ნაწილი საბედნიეროდ გაწერილია, მაგრამ კიდევ ერთი პაციენტი რჩება სტაციონარში. აუცილებლად მივალ და მოვინახულებ“, - განაცხადა ნათია თურნავამ.

შეგახსენებთ, რომ დღეს გურამიშვილზე, ერთ-ერთ კორპუსში აფეთქება მოხდა, რა დროსაც 4 ადამიანი დაშავდა. დაშავებულებულები საავადმყოფოში გადაიყვანეს. 3 დაშავებულის სიცოცხლეს საფრთხე არ ემუქრება, თუმცა 39 წლის მამაკაცის მდგომარეობა მძიმეა. რაც შეეხება აფეთქების მიზეზს, პირველადი ინფორმაციით, ის კორპუსში, ერთ-ერთ სართულზე დაგროვილმა გაზმა გამოიწვია. ამ დროისთვის ადგილზე საგამოძიებო მოქმედებები მიმდინაროებს.

ავტორი: ექსპრესნიუსი,

სოციალური ქსელები

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები

საქართველოს ჟურნალისტური ეთიკის ქარტია - მოვუწოდებთ შსს-ს, სასწრაფოდ გამოიძიოს ჟურნალისტ კობა ფარტენაძეზე გახშირებული თავდასხმები და მისი უსაფრთხოება უზრუნველყოს

კალაძე - აგვისტოს ომთან დაკავშირებით, რა თქმა უნდა, ყველანაირი პასუხისმგებლობა ეკისრება მაშინდელ ხელისუფლებას

კახი კალაძე რუსი ბლოგერებისთვის ინტერვიუს მიცემაში პრობლემას ვერ ხედავს