საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის პირველმა მოადგილემ გრიგოლ გიორგაძემ და ქალაქ ქუთაისის მერმა შოთა მურღულიამ, ქუთაისში, ავტოქარხნის დასახლებაში,  დადიანის ქ. N5-ში მდებარე შენობის სამშენებლო-სარეაბილიტაციო სამუშაოები დაათვალიერეს. აღნიშნულ შენობაში საცხოვრებელ ფართს 65 დევნილი ოჯახი მიიღებს. 
როგორც „ექსპრესნიუსს“ ლტოლვილთა და განსახლების სამინისტროდან აცნობეს, ქუთაისში, დადიანის ქ. N5-ში მდებარე შენობაში დევნილთა გრძელვადიანი განსახლების მიზნით,  განაცხადების მიღება დღეს დაიწყო და 31 ივლისს დასრულდება. 
რეაბილიტირებულ შენობაში სულ 65 ბინაა, აქედან 15 - ერთოთახიანია, 10- ოროთახიანი, ხოლო, 40 - სამოთახიანი.

უწყების ინფორმაციით, სამშენებლო სამუშაოებს ტენდერში გამარჯვებული კომპანია შპს „დავითი“ აწარმოებს, შენობის რეაბილიტაცია 2015 წლის აგვისტოში დასრულდება.
გარდა ამისა, ქუთაისში შერვაშიძის ქუჩაზე 25 თექვსმეტ სართულიანი კორპუსის მშენებლობა მიმდინარეობს, სადაც საცხოვრებელ ფართს 2000-მდე  დევნილი ოჯახი მიიღებს.საწყის ეტაპზე შენდება ორი 16-სართულიანი კორპუსი, სადაც ბინას 160  ოჯახი მიიღებს (80 ბინა თითოეულ კორპუსში).  
სამინისტრომ მენაშენეებისაგან ქუთაისში 52 ბინა შეისყიდა, საიდანაც 35 დევნილ ოჯახებს უკვე გადაეცათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ