საქართველოს პრეზიდენტმა სალომე ზურაბიშვილმა ანტირუსულ განცხადებებთან დაკავშირებით საჯაროდ ბოდიში უნდა მოიხადოს, - ამის შესახებ რუსეთის სახელმწიფო სათათბიროს თავმჯდომარემ, ვიაჩესლავ ვოლოდინმა განაცხადა. ინფორმაციას Interfax.ru ავრცელებს. 

როგორც ვოლოდინმა აღნიშნა, საქართველოს ხელისუფლებამ რუსეთთან მიმართებაში საკუთარი პოზიცია უნდა დაფიქსიროს. 

"ამ სიტუაციაში გზავნილი შესაძლოა იყოს მხოლოდ ერთი. საქართველოს პრეზიდენტმა, რომელმაც საჯაროდ ისაუბრა რუსეთზე, როგორც აგრესორ ქვეყანაზე, ბოდიში უნდა მოიხადოს და უკან წაიღოს თავისი სიტყვები. მან ასევე უნდა განმარტოს თავისი პოზიცია. როგორც შეიძლება ურთიერთობების განვითარება, თუ საქართველოს ხელისუფლება ასე იქცევა?!“, - აღნიშნა პოლიტიკოსმა. 

მისივე განცხადებით, იმის გათვალისწინებით, რომ "საქართველო-რუსეთის ურთიერთობები უკეთესობისკენ ვითარდებოდა, ვიღაცას დასჭირდა, რომ საპარლამენტთაშორისო ასამბლეაზე ეს ურთიერთობები აერია". 

"იმის მაგივრად, რომ ივნისის მოვლენების დროს, სალომე ზურაბიშვილი გამოსულიყო და გაეკრიტიკებინა მსგავსი ქმედებები, მან რუსეთს აგრესორი ქვეყანა უწოდა. ახლა კი, ჩმად არის", - დასძინა ვოლოდინმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება