სამოქალაქო მოძრაობა #სირცხვილიას აქტივისტებმა 20 ივნისის საქმეზე დაკავებულების მხარდასაჭერად გლდანის ციხესთან  საპროტესტო აქცია გამართეს.

აქციის ორგანიზატორებმა ადგილზე სხვადასხვა წარწერებიანი ბანერები მიიტანეს:  „შერჩევითი სამართალი“, „ოცნება რუსეთის სამსახურში“, „მხარდაჭერა გავრილოვის პატიმრებს“.

გარდა ამისა, მათ ციხესთან დინამიკებიც მიიტანეს, რათა პატიმრებისთვის ხმა გაეგონებინათ.

სამოქალაქო აქტივისტმა გიგა მაქარაშვილმა ციხესთან 20 ივნისის მოვლენების შემდეგ დაკავებულების სახელები და გვარები წაიკითხა.

„თქვენ არ ხართ მარტო, ვიდგებით ყველგან, სადაც თქვენი უფლებების დაცვას შევძლებთ. არც ჩვენ ვართ ცოტანი და კიდევ უფრო მეტნი გავხდებით, მხოლოდ იმიტომ, რომ არცერთი უკანონო პატიმარი ციხეში არ იყოს. არ შეუშინდეთ, სისტემას, არ გატყდეთ, გამაგრდით“, - მიმართა მაქარაშვილმა ბრალდებულებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.