შსს-ს უბნის ინსპექტორებს და საჯარო სკოლების სამოქალაქო განათლების პედაგოგებს თბილისში, რუსთავში, ბათუმსა და ქუთაისში – „საზოგადოების ჩართულობისა და თანამშრომლობის პროგრამა სამართლებრივი განათლებისთვის“ პროექტის ფარგლებში – „სამართლებრივი კულტურის“ საგნის სწავლების მეთოდიკის შესახებ ერთობლივი ტრენინგი ჩაუტარდათ.

„სამართლებრივი კულტურის“ გაკვეთილები ინტერაქტიული და პრევენციაზე ორიენტირებულია, რაც მოსწავლეებში სამართლისა და მართლმსაჯულების სფეროში მათი უფლებების და პასუხისმგებლობის შესახებ ცოდნის ამაღლებას ისახავს მიზნად. სწავლება ჩატარდა შერჩეული სკოლის მე-9 კლასის მოსწავლეებისთვის სამართალდამცველისა და სკოლის პედაგოგის ერთობლივი აქტივობით.

შსს-ს ცნობით, მოსამზადებელ ტრეინინგებზე პროექტის მონაწილე პედაგოგებმა და სამართალდამცავებმა გაკვეთილის წარმოების მეთოდიკის პარალელურად სიღრმისეული ინფორმაცია მიიღეს მოზარდების ფსიქო-სოციალური განვითარების შესახებ. ტრენიგნებს განათლების სფეროს ექსპერტები და ის სამართალდამცველები უძღვებოდნენ, რომლებსაც დიდი ხნის გამოცდილება აქვთ აღნიშნული პროექტით გათვალისწინებული აქტივობის შესრულებაში.

ცნობისთვის, პროგრამას ამერიკის შეერთებული შტატების ანტინარკოტიკული და სამართალდამცავ ორგანოებთან თანამშრომლობის საერთაშორისო ბიუროს ფინანსური მხარდაჭერით ამერიკული ორგანიზაცია „PH International“ ახორციელებს შინაგან საქმეთა სამინისტროსა და განათლებისა და მეცნიერების სამინისტროსთან თანამშრომლობით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს